केरळमध्ये Zika virus चे 14 रूग्ण, केंद्र सरकारने पाठवलं तपासणी पथक

याआधी भारतात 2016-17 मध्ये गुजरात राज्यात झिका व्हायरसच्या संसर्गाचे प्रकरण समोर आले होते. आता केंद्र सरकारने केरळमधल्या रूग्णांची स्थिती काय आहे ते पाहण्यासाठी सहा जणांचं एक पथक पाठवलं आहे. हे पथक या झिका व्हायरसचा त्या रूग्णांवर काय परिणाम होतो त्याचं निरीक्षण करणार आहे. द नॅशनल इन्स्टिट्युट ऑफ व्हायरोलॉजीने झिका व्हायरसचे 14 रूग्ण केरळमध्ये आढळल्याची माहिती दिली. या चौदा रूग्णांमध्ये एका 24 वर्षांच्या गरोदर महिलेचाही समावेश आहे.

Zika Virus हा डासांच्या मार्फत पसरतो असं म्हटलं जात असलं तरी काही प्रमाणात त्याचा संसर्ग लैंगिंक संबंधातून होत असल्याचं दिसून आलं आहे. केरळच्या तिरूअनंतपुरममध्ये आढळलेले सगळे रूग्ण हे वैद्यकीय क्षेत्रातले कर्मचारी आहेत. झिका व्हायरसची बाधा झालेली पहिली व्यक्ती ही 24 वर्षीय गरोदर महिला आहे अशीही माहिती वीणा जॉर्ज यांनी दिली. या महिलेला तिरूअनंतपुरमच्या रूग्णालयात 28 जूनला दाखल करण्यात आलं होतं. त्यावेळी तिला ताप, डोकेदुखी, अंगावर पुरळ येणं असा त्रास जाणवत होता. या महिलेने बुधवारी म्हणजेच 7 जुलैला एका बाळाला जन्म दिला आहे. महिलेची प्रकृती स्थिर असून तिची प्रसूतीही नैसर्गिक पद्धतीनेच झाली आहे या महिलेने कुठेही प्रवास केल्याचीही नोंद नाही असंही स्पष्ट करण्यात आलं आहे.

काय आहे झिका व्हायरस?