उस्मानाबाद : कंटेनर आणि कारचा भीषण अपघात, चार जण जागीच ठार

धुळे-सोलापूर राष्ट्रीय महामार्गावर उस्मानाबादमधील अळणी पाटी या भागात हा अपघात झाला आहे. मिळालेल्या माहितीनुसार ट्रॅक्टर घेऊन धुळ्याच्या दिशेने जाणाऱ्या एका कंटेनरने समोरून येणाऱ्या कारला जोरात धडक दिली. MH 24 AA 8055 असा या कारचा क्रमांक आहे. ही धडक इतकी भीषण होती, की त्याच्यामुळे कार थेट कंटेनरच्या खालच्या भागात शिरली. या भीषण अपघातात कारचा अक्षरश: चक्काचूर झाला आहे.

हा अपघात नेमका कसा झाला याबद्दलचं कारण अद्याप समजू शकलेलं नाहीये. या अपघातात आणखी एक व्यक्ती गंभीर जखमी झाली असून तिच्यावर नजिकच्या रुग्णालयात उपचार सुरु आहेत.

चार लेकरांसह आईची विहीरीत उडी मारत आत्महत्या, जालन्यातली धक्कादायक घटना