बातम्या वाचता वाचता महिला अँकर जमिनीवर कोसळली, थरकाप उडवणारा Video व्हायरल

अमेरीकेच्या एका प्रसिद्ध न्यूज चॅनेलची एक महिला अँकर न्यूज वाचत असताना जमीनीवर कोसळली होती. अचानक घडलेल्या या घटनेने न्यूज चॅनेलच्या कर्मचाऱ्यांसह प्रेक्षकांना मोठा धक्का बसला होता. या महिला अँकरचे नाव एलिसा कार्लसन आहे. एलिसा ही आधीपासूनच हृदयाशी संबंधित आजाराचा सामना करत होती. 2014 साली देखील एलिसासोबत अशीच घटना घडली होती. या घटननंतर तिला हार्ट वॉल्कची समस्या असल्याचे रिपोर्टमध्ये समोर आले होते.

अवघ्या 500 रूपयांसाठी शेजाऱ्यानेच घेतला जीव, संपूर्ण गावं हादरलं!

व्हिडिओत काय?

व्हायरल व्हिडिओत अमेरीकेच्या एका प्रसिद्ध न्यूज चॅनेलचा शो सुरु आहे.या शोमध्ये दोन अॅंकर बसल्या आहेत. हवामानाची बातमी प्रेक्षकांना सांगितली जात आहे. यावेळेस वेदर रिपोर्ट (weather Report) सांगण्यासाठी महिला अॅंकर एलिसा कार्लसनला जोडले जाते. कार्लसन चॅनेलशी कनेक्ट होताच व्यवस्थित हवामानाची बातमी देण्यास सुरुवात करते. मात्र बघता बघता कार्लसनला चक्कर येते आणि ती खाली कोसळते. महिला अॅंकरला असे अचानक कोसळताना पाहून अनेकांना मोठा धक्का बसतो. त्यानंतर तिला रूग्णालयात दाखल करण्यात आले होते. या घटनेचा व्हिडिओ आता सोशल मीडियावर व्हायरल होत आहे. हा व्हिडिओ पाहुन अनेकांच्या काळजाचा ठोका चुकतोय.