नागपूर महानगरपालिकेसाठी आरक्षण सोडत जाहीर, काही नेत्यांना फटका तर काही दिग्गज सेफ

नागपूर महानगरपालिका निवडणुकीसाठी जाहीर करण्यात आलेले अनुसूचित जाती, अनुसूचित जमातीसाठीचे आरक्षण कायम ठेवत उर्वरित जागांवर नागरिकांचा मागासवर्ग प्रवर्ग,नागरिकांचा मागास प्रवर्ग महिला आणि सर्वसाधारण महिला अशा जागांसाठी शुक्रवारी सोडते द्वारे आरक्षण निश्चित करण्यात आलं.

नागपूर महापालिकेतील आरक्षण सोडतीचा दिग्गजांना फटका

माजी उपमहापौर सतीश होले,माजी महापौर किशोर डोरले,हरीश ग्वालबन्सी यांच्या सह माजी नगरसेवकांना या आरक्षणाचा फटका बसला. तर माजी महापौर दयाशंकर तिवारी, संदीप जोशी,माजी सत्ता पक्षनेते अविनाश ठाकरे,माजी विरोधी पक्षनेते तानाजी वनवे, स्थायी समितीचे माजी अध्यक्ष प्रकाश भोयर यांचे प्रभाग सुरक्षित ठेवण्यात आले आहे.

माजी उपमहापौर सतीश होले यांच्या प्रभाग क्रमांक 33 मधील एक जागा अनुसूचित जाती आणि दोन जागा महिलांसाठी राखीव झाल्याने होले यांची अडचण निर्माण झाली आहे. आता ते प्रभाग 46 मधून लढण्याच्या तयारीत असल्याची माहिती आहे.