‘मविआ’च्या काळात आलेल्या प्रकल्पांची यादी द्या : भाजपचे आदित्य ठाकरेंना दुसऱ्यांदा आव्हान

भाजपने आदित्य ठाकरे यांचा एक व्हिडीओ ट्विट करत म्हटलं की, तोंडातून आवाज निघत नाही, म्हणे समोरासमोर डिबेट करण्यासाठी बसा. पगार किती, बोलतो किती? लेव्हल तरी आहे का? आज तिसरा दिवस आहे, बोलबच्चन आदित्य ठाकरे, स्वतःच्या वडिलांच्या काळात आलेल्या प्रकल्पाची यादी देतच आहेत, असं म्हणतं भाजपने दुसऱ्यांदा आव्हान दिलं आहे.

तोंडातून आवाज निघत नाही, म्हणे समोरासमोर डिबेट करण्यासाठी बसा.

पगार किती, बोलतो किती? लेव्हल तरी आहे का?

तिसरा दिवस आहे बोलबच्चन @AUThackeray – आदित्य ठाकरे, स्वतःच्या वडिलांच्या काळात आलेल्या प्रकल्पाची यादी देतच आहेस pic.twitter.com/PtM4bYCg2u

— भाजपा महाराष्ट्र (@BJP4Maharashtra) November 1, 2022

आदित्य ठाकरे विरुद्ध भाजप : दोन आव्हान –

आदित्य ठाकरे यांनी काही दिवसांपूर्वी एका पत्रकार परिषदेमध्ये महाविकास आघाडीच्या काळात राज्यात साडे सहा लाख कोटींची गुंतवणूक आल्याचा दावा केला. त्यावर भाजपकडून आमदार अतुल भातखळकर यांनी ट्विट करत ६ लाख कोटी गुंतवणुकीचा तपशील द्यावा, नाही तर पोगो बघण्या इतपतच वकूब असल्याचे मान्य करावे, असं आव्हान दिलं होतं.