Chinchwad Bypoll: ठाकरेंचा शब्दही कलाटेंनी मोडला, शेवटच्या क्षणी केली मोठी घोषणा
Chinchwad bypoll 2023 Rahul Kalate: चिंचवड: चिंचवड विधानसभा मतदारसंघात (chinchwad assembly bypoll) होत असलेल्या पोटनिवडणुकीसाठी राहुल कलाटे (Rahul Kalate) यांनी मैदानात उडी घेतल्यानं महाविकास आघाडीच्या (MVA) उमेदवारासमोर मोठं आव्हान उभ राहिल आहे. शिवसेना (UBT) पक्षाचे बंडखोर नेते राहुल कलाटे यांनी निवडणुकीतून माघार घेण्यास नकार दिला आहे. त्यामुळे चिचंवडची पोटनिवडणूक ही तिरंगी होणार असल्याचं आता स्पष्ट […]
ADVERTISEMENT
Chinchwad bypoll 2023 Rahul Kalate: चिंचवड: चिंचवड विधानसभा मतदारसंघात (chinchwad assembly bypoll) होत असलेल्या पोटनिवडणुकीसाठी राहुल कलाटे (Rahul Kalate) यांनी मैदानात उडी घेतल्यानं महाविकास आघाडीच्या (MVA) उमेदवारासमोर मोठं आव्हान उभ राहिल आहे. शिवसेना (UBT) पक्षाचे बंडखोर नेते राहुल कलाटे यांनी निवडणुकीतून माघार घेण्यास नकार दिला आहे. त्यामुळे चिचंवडची पोटनिवडणूक ही तिरंगी होणार असल्याचं आता स्पष्ट झालं आहे. स्वत: उद्धव ठाकरेंनी (Uddhav Thackeray) राहुल कलाटे यांनी माघार यावी यासाठी त्यांच्याशी आज फोनवरुन चर्चा केली होती. मात्र, तरीही राहुल कलाटे हे निवडणुकीच्या रिंगणातून मागे हटले नाहीत. त्यामुळे आता महाविकास आघाडीची चिंता बरीच वाढली आहे.
आज सकाळपासूनच राहुल कलाटेंच्या मनधरणीचे प्रयत्न शेवटच्या क्षणापर्यंत सुरू होते. राहुल कलाटे यांनी उमेदवारी अर्ज मागे घ्यावा म्हणून उद्धव ठाकरे (Uddhav Thackeray) यांचा निरोप घेऊन शिवसेनेचे (UBT) नेते सचिन अहिर (Sachin Ahir) यांनी राहुल कलाटे यांची भेट घेतली होती. मात्र या भेटीगाठीचा काहीही परिणाम झाला नाही.
पुणे जिल्ह्यातील चिंचवड आणि शहरातील कसबा पेठ या दोन विधानसभा मतदारसंघात पोटनिवडणूक होत आहे. दोन्ही मतदारसंघात महाविकास आघाडी विरुद्ध युतीने उमेदवार जाहीर केले आहेत. मात्र, चिंचवड मतदारसंघातून शिवसेनेचे (उद्धव बाळासाहेब ठाकरे) राहुल कलाटे यांनी बंडखोरी करत अपक्ष म्हणून उमेदवारी अर्ज दाखल केला आहे.
राहुल कलाटे यांच्या उमेदवारीमुळे महाविकास आघाडीचे उमेदवार नाना काटे यांची डोकेदुखी वाढली आहे. अशात शिवसेनेकडून (उद्धव बाळासाहेब ठाकरे) राहुल कलाटे यांच्या मनधरणीचे प्रयत्न सुरू केले होते. पण कलाटे हे आपल्या मतावर ठाम राहिले.
हे वाचलं का?
