एकनाथ शिंदेंचा उद्धव ठाकरेंना झटका! नांदेड जिल्ह्यात शिवसेनेला मोठं खिंडार
शिवसेनेतील ४० आमदारांना सोबत घेऊन भाजपसोबत सत्ता स्थापन केलेल्या मुख्यमंत्री एकनाथ शिंदे यांच्याकडून शिवसेना ताब्यात घेण्याचे जोराचे प्रयत्न सुरू असल्याचं दिसत आहे. एकनाथ शिंदे आज नांदेड दौऱ्यावर आहेत. या दौऱ्यात शिवसेनेचे दोन जिल्हाप्रमुख, १२ तालुकाप्रमुख आणि ६ शहरप्रमुखांसह पदाधिकारी शिंदे गटात सहभागी होणार आहे. त्यामुळे शिंदे नांदेड-हिंगोली दौऱ्यात उद्धव ठाकरेंना मोठा झटका देणार असल्याची चर्चा […]
ADVERTISEMENT
शिवसेनेतील ४० आमदारांना सोबत घेऊन भाजपसोबत सत्ता स्थापन केलेल्या मुख्यमंत्री एकनाथ शिंदे यांच्याकडून शिवसेना ताब्यात घेण्याचे जोराचे प्रयत्न सुरू असल्याचं दिसत आहे. एकनाथ शिंदे आज नांदेड दौऱ्यावर आहेत. या दौऱ्यात शिवसेनेचे दोन जिल्हाप्रमुख, १२ तालुकाप्रमुख आणि ६ शहरप्रमुखांसह पदाधिकारी शिंदे गटात सहभागी होणार आहे. त्यामुळे शिंदे नांदेड-हिंगोली दौऱ्यात उद्धव ठाकरेंना मोठा झटका देणार असल्याची चर्चा होत आहे.
मुख्यमंत्री एकनाथ शिंदे हे सोमवारी (८ ऑगस्ट) नांदेड दौऱ्यावर असणार आहेत. त्यांच्या दौऱ्यात शिवसेनेत अनेक महत्त्वाच्या घडामोडी होण्याची चिन्हं आहेत. एकनाथ शिंदे यांच्या बंडखोरीनंतर नांदेडचे आमदार बालाजी कल्याणकर हे शिंदे गटात सामील झाले होते.
खासदार हेमंत पाटील यांनीही शिंदे गटाला पाठिंबा दिला असून, मुख्यमंत्री एकनाथ शिंदे यांच्या उपस्थितीत कार्यकर्ता मेळावा होणार आहे. या कार्यकर्ता मेळाव्यात शिवसेनेच्या दोन विद्यमान जिल्हाप्रमुख, तालुकाप्रमुख आणि शिवसेनेच्या विविध विभागाचे पदाधिकारी गटात सहभागी होणार आहेत.
जिल्हाप्रमुख उमेश मुंडे, आनंद बोंढारकर एकनाथ शिंदे यांच्या गटात
जिल्हाप्रमुख उमेश मुंडे यांचा खासदार हेमंत पाटील यांची भेट घेतल्याचा फोटो समोर आला होता. या फोटोनंतर उमेश मुंडे यांची शिवसेनेकडून जिल्हाप्रमुख पदावरून हकालपट्टी करण्यात आली. तर दुसरीकडे दुसरे जिल्हाप्रमुख आनंद बोंढारकर यांनीही हेमंत पाटील यांची भेट घेतली. एकनाथ शिंदे यांच्या उपस्थितीत शिंदे गटात सामील होणार असल्याचं त्यांनी सांगितलं.