आता दोन वर्षावरील मुलांवर देखील कोरोना लसीची होणार चाचणी, भारत बायोटेकला मंजुरी

कोरोना लसीशी निगडीत सब्जेक्ट एक्सपर्ट कमिटीने (SEC)ने मंगळवारी भारत बायोटेकच्या 2 ते 18 वर्षे वयोगटातील मुलांवर कोव्हिसिनची चाचणी घेण्याची जी शिफारस केली होती तिला आता मंजूरी मिळाली असल्याचं समजतं आहे.

ही क्लिनिकल चाचणी 2 ते 18 वयोगटातील 525 लोकांवर केली जाणार आहे. जी दिल्ली एम्स, पाटणा एम्स आणि नागपूरच्या MIMS रुग्णालयात होईल. समितीच्या शिफारशीनुसार भारत बायोटेकला फेज 3 ची चाचणी सुरू करण्यापूर्वी फेज 2 चा संपूर्ण डेटा उपलब्ध करुन द्यावा लागेल.

SECने अशी शिफारस केली होती की, भारत बायोटेकच्या कोव्हॅक्सिनच्या फेज 2, फेज 3 च्या क्लिनीकल चाचणीला मंजुरी दिली गेली पाहिजे. जी 2 ते 18 वयोगटातील मुलांवर केली जाईल.