नागपूर : कामठी औद्योगिक भागातील तीन कंपनी आणि गोडाऊन आगीच्या भक्ष्यस्थानी

मिळालेल्या माहितीनुसार सोमवारी सकाळी साडेसहा वाजल्याच्या दरम्यान ही आग लागल्याचं कळतंय. या वेळेत कंपनी आणि गोडाऊनमध्ये कोणताही मजूर नसल्यामुळे जिवीतहानी टळली आहे. परंतू या आगीत टायर आणि प्लास्टिकचं सामान पूर्णपणे जळून खाक झालं आहे.

अग्नीशमन दलाचे अधिकारी या आगीवर नियंत्रण मिळवण्याचा प्रयत्न करत आहेत. परंतू प्लास्टिकच्या सामानामुळे ही आग आणखीन धुमसते आहे. या आगीचं कारण अद्याप समजू शकलेलं नाहीये.