लातूर : थंडीने कुडकुडल्याने व्यायाम करु लागले अन् ह्रदयविकाराचा झटका आला, ग्रामसेवकाचा जागेवर मृत्यू
Latur News : विकास विश्वासराव कुलकर्णी (वय 45, रा. अंबुलगा बु) असे मृत ग्रामसेवकाचे नाव आहे. कुलकर्णी हे आपल्या कर्तव्यदक्ष कामासाठी परिचित होते. ग्रामपंचायतीच्या कामकाजात त्यांचा सक्रिय सहभाग असायचा. बुधवारी रात्री ते कामानिमित्त बाहेरून आपल्या मूळ गावी अंबुलगा बु येथे मुक्कामी आले होते.
ADVERTISEMENT
बातम्या हायलाइट
लातूर : थंडीने कुडकुडल्याने व्यायाम करु लागले अन्
ह्रदयविकाराचा झटका आला, ग्रामसेवकाचा जागेवर मृत्यू
Latur News : निलंगा तालुक्यात गेल्या काही दिवसांपासून थंडीचा जोर वाढत असून, या थंड हवामानाचा फटका नागरिकांच्या आरोग्यावरही बसत असल्याचे चित्र दिसून येत आहे. अशाच एका दुर्दैवी घटनेत गुरुवारी सकाळी व्यायामासाठी घराबाहेर पडलेल्या 45 वर्षीय ग्रामसेवकाचा हृदयविकाराच्या तीव्र झटक्याने जागीच मृत्यू झाल्याची घटना अंबुलगा बु (ता. निलंगा) येथे घडली. या घटनेमुळे परिसरात हळहळ व्यक्त केली जात असून, गावावर शोककळा पसरली आहे.
विकास विश्वासराव कुलकर्णी (वय 45, रा. अंबुलगा बु) असे मृत ग्रामसेवकाचे नाव आहे. कुलकर्णी हे आपल्या कर्तव्यदक्ष कामासाठी परिचित होते. ग्रामपंचायतीच्या कामकाजात त्यांचा सक्रिय सहभाग असायचा. बुधवारी रात्री ते कामानिमित्त बाहेरून आपल्या मूळ गावी अंबुलगा बु येथे मुक्कामी आले होते.
नेहमीप्रमाणे आरोग्याची काळजी घेत गुरुवारी पहाटेच कुलकर्णी हे व्यायामासाठी घराबाहेर पडले. निलंगा–तोगरी मार्गाने ते आपल्या शेताच्या दिशेने जात असताना रस्त्याच्या कडेला थांबून व्यायाम करत होते. मात्र, अचानक त्यांना छातीत तीव्र वेदना जाणवू लागल्या. काही क्षणातच त्यांना जोरदार हृदयविकाराचा झटका आला आणि ते रस्त्याच्या कडेला कोसळले.
हे वाचलं का?
