नागपूर : …अन् भरधाव बोलेरो झाडावर जाऊन आदळली; चार मजूर महिलांवर काळाची झडप

चालकाचं गाडीवरील नियंत्रण सुटल्याने झालेल्या भीषण अपघातात चार मजूर महिलांचा मृत्यू झाला, तर पाच जणी गंभीर जखमी झाल्या आहेत. नागपूर जिल्ह्यातील काटोल तालुक्यातील ईसापूर-घुबडमेट रस्त्यावर ही दुर्घटना घडली. बोलेरो गाडीतून महिला शेतात कामासाठी निघाल्या होत्या. रस्त्यातच काळाने चौघींवर झडप घातली.

संत्रा तोडण्यासाठी काही महिला मजूर बोलेरो पिकअप व्हॅनमधून जात होत्या. रविवारी पहाटे काटोल तालुक्यातील ईसापूर-घुबडमेट रस्त्यावरून जात असताना बोलेरो चालकाचं गाडीवरील ताबा सुटला. त्यानंतर भरधाव गाडी रस्त्याच्या कडेला असलेल्या एका झाडावर जाऊन आदळली.