bridge collapse in morbi : भाजप खासदाराच्या १२ नातेवाईकांचा मृत्यू, मृतांचा आकडा १४१ वर

मोरबी येथील मच्छू नदीवर असलेला १४० वर्ष जुना झुलता पूल दुरुस्ती करण्यात आल्यानंतर ५ दिवसांपूर्वी नागरिकांसाठी खुला करण्यात आला होता. पर्यटकांचं आकर्षण असलेला हा पुल दोन वर्षाच्या बंदीनंतर उघडल्यानं नागरिकांची गर्दी होत आहे. रविवारी सुट्टी असल्यानं पुलावर मोठी गर्दी झाली होती.

झुलत्या पुलाची क्षमता १०० लोकांची असून, मिळालेल्या माहितीनुसार दुर्घटना घडली तेव्हा तब्बल ४०० पेक्षा अधिक नागरिक पुलावर होते. क्षमतेपेक्षा अधिक लोक पुलावर गेल्यानंतर केबल ब्रिज कोसळला आणि लोक नदीत पडले. दुर्घटनेनंतर मदत व बचाव कार्य हाती घेण्यात आलं असून, अजूनही शोध कार्य सुरूच आहे. आतापर्यंत १७७ लोकांना बाहेर काढण्यात आलं असून, १४१ लोकांचा मृत्यू झाला आहे.

#MorbiBridgeCollapse | Indian Army teams deployed in Morbi, Gujarat carried out search and rescue operations for survivors of the mishap. All three defence services have deployed their teams for search operations: Defence officials pic.twitter.com/tfEjCW3MhE

— ANI (@ANI) October 31, 2022

gujarat morbi bridge accident : भाजप खासदाराच्या १२ नातेवाईकांचा मृत्यू

मोरबी येथे झालेल्या केबल ब्रिज दुर्घटनेत भाजप खासदाराच्या १२ नातेवाईकांचा मृत्यू झाल्याची माहिती समोर आलीये. भाजप खासदार मोहन भाई कुंदरिया यांचे नातेवाईकही पूल कोसळला तेव्हा तिथे होते.

दुर्घटनेनंतर बोलताना खासदार मोहन भाई कुंदरिया म्हणाले, ‘या घटनेत माझ्या भाऊजींच्या भावाच्या ४ मुली, ३ जावई आणि ५ मुलं यांचा मृत्यू झालाय. हे खूप वेदनादायी आहे.’

मोहनभाई कुंदरिया हे राजकोटचे खासदार आहे. ‘मी सायंकाळपासून इथे आहे. १०० पेक्षा जास्त लोकांचे मृतदेह मिळाले आहेत.’ पूल खुला करण्याची परवानगी न घेतल्याच्या मुद्द्यावर खासदार कुंदरिया म्हणाले, ‘ज्याची चूक असेल, त्याच्याविरुद्ध कारवाई केली जाईल. कुणालाही सोडणार नाही.’

Gujarat | Early morning visuals from Morbi Civil Hospital where the patients injured in the Morbi cable bridge collapse are admitted.

More than 100 people died after the cable bridge collapsed yesterday evening. pic.twitter.com/S9zv3s8HIP

— ANI (@ANI) October 31, 2022

दुरुस्तीनंतर ५व्या दिवशीच खुला करण्यात आला होता पूल

मिळालेल्या माहितीनुसार हा झुलता पूल दोन वर्षांपासून बंद होता. त्यानंतर त्याची डागडुजी आणि दुरुस्ती करण्यात आली. दुरुस्ती करण्यात आल्यानंतर हा पूल पुन्हा खुला करण्यात आला होता. पूल खुला करण्यापूर्वी स्थानिक प्रशासनाकडून फिटनेस सर्टिफिकेट घेण्यात आलेलं नव्हतं.