‘छत्रपती शिवाजी महाराजांच्या इतिहासाशी छेडछाड करू नका’; संभाजीराजेंनंतर जयंत पाटलांचा इशारा

अलिकडेच प्रदर्शित झालेल्या ‘हर हर महादेव’ चित्रपटासह आगामी ‘वेडात मराठे वीर दौडले सात’ या चित्रपटांची नावं घेत छत्रपती संभाजीराजे यांनी चित्रपट निर्माते आणि दिग्दर्शकांना इशारा दिलाय. ‘सिनेमॅटिक लिबर्टीच्या नावाखाली इतिहासाची मोडतोड केली जाते आणि सिनेमात सादर केलं जातं. मात्र, छत्रपती शिवाजी महाराजांच्या सिनेमांबाबत आणि मावळ्यांबाबत आम्ही हे मुळीच सहन करणार नाही’, असा इशारा छत्रपती संभाजीराजे यांनी इशारा दिला.

छत्रपती संभाजीराजे यांनी छत्रपती शिवाजी महाराज आणि त्यांच्या मावळ्यांवरील चित्रपटांचा मुद्दा उपस्थित केला असून, याचे पडसाद उमटू लागले आहेत. छत्रपती संभाजीराजे यांच्या भूमिकेला राष्ट्रवादी काँग्रेसचे नेते जितेंद्र आव्हाड यांनी समर्थन दिलं. त्यानंतर आता प्रदेशाध्यक्ष जयंत पाटील यांनीही या भूमिकेला पाठिंबा देत इशारा दिलाय.

“अजिबात सहन करणार नाही”,’हर हर महादेव’, ‘वेडात मराठे वीर दौडले सात’वरून छत्रपती संभाजीराजे भडकले