Redmi चा 200MP कॅमेरा असलेला फोन तुम्ही पाहिला का? एकदाच तीन 5G फोन लाँच

Redmi Note 12 सीरीजची किंमत Redmi Note 12 ची किंमत 15,499 रुपये ठेवण्यात आली आहे. ही किंमत त्याच्या 4GB रॅम आणि 128GB स्टोरेज वेरिएंटसाठी आहे. Redmi Note 12 Pro ची किंमत 20,999 रुपये असेल, तर हाय-एंड Redmi Note 12 Pro+ मॉडेलची सुरुवातीची किंमत 25,999 रुपये असेल. कंपनीच्या अधिकृत वेबसाइट Mi.com व्यतिरिक्त, नवीन स्मार्टफोन ऑनलाइन प्लॅटफॉर्मवरून विकले जातील.

Redmi Note 12 सीरीजचे वैशिष्ट्ये

Redmi Note 12 मालिकेत 120Hz रिफ्रेश रेटसह AMOLED स्क्रीन प्रदान करण्यात आली आहे. सर्व डिव्हाइसेस आउट-ऑफ-द-बॉक्स Android 12 सह येतात. कंपनीचा दावा आहे की यूजर्सला दोन वर्षांसाठी मोठे अँड्रॉइड अपग्रेड्स मिळतील. याशिवाय चार वर्षांसाठी सुरक्षा पॅच देण्यात येणार आहेत. Redmi Note 12 सीरीजमध्ये 6.67-इंच AMOLED स्क्रीन देण्यात आली आहे. यात 120Hz चा रिफ्रेश रेट सपोर्ट आहे. याशिवाय 240Hz टच सॅम्पलिंग रेट देण्यात आला आहे. उच्च मॉडेलमध्ये HDR10+ आणि डॉल्बी व्हिजन समर्थित आहेत. पॅनेलच्या संरक्षणासाठी गोरिल्ला ग्लास 5 सपोर्ट करण्यात आला आहे.

Redmi Note 12 5G मध्ये Snapdragon 4 Gen 1 चिपसेट देण्यात आला आहे. तर इतर दोन मॉडेल्समध्ये MediaTek Dimensity 1080 चिपसेट देण्यात आला आहे. तिन्ही फोन MIUI 13 आउट-ऑफ-द-बॉक्स वर काम करतात. फोटोग्राफीबद्दल बोलायचे झाले तर Redmi Note 12 5G च्या मागील बाजूस ट्रिपल कॅमेरा सेटअप देण्यात आला आहे. त्याचा प्राथमिक कॅमेरा 48-मेगापिक्सलचा आहे. यासोबत 8-मेगापिक्सलचा वाईड अँगल सेन्सर आणि 2-मेगापिक्सलचा मॅक्रो सेन्सर देण्यात आला आहे. सेल्फीसाठी 13-मेगापिक्सल कॅमेरा देण्यात आला आहे.

Redmi Note 12 Pro 5G मध्ये 50-मेगापिक्सेलचा प्राथमिक कॅमेरा आहे. यासोबत 8-मेगापिक्सलचा सेन्सर आणि 2-मेगापिक्सलचा लेन्स देण्यात आला आहे. तर शीर्षस्थानी Redmi Note 12 Pro+ मध्ये 200-मेगापिक्सेलचा प्राथमिक सेन्सर आहे. यासोबत आणखी दोन सेन्सर देण्यात आले आहेत. Redmi Note 12 5G मध्ये 33W चार्जिंग सपोर्टसह 5,000mAh बॅटरी आहे. तर Redmi Note 12 Pro मध्ये 67W चार्जिंग सपोर्ट आणि Pro+ मध्ये 120W चार्जिंग सपोर्ट देण्यात आला आहे.