Taliye ची दुर्घटना कशी घडली? सगळं गावच डोंगराखाली कसं गाडलं गेलं?

तळीये गाव मागच्या गुरूवारपर्यंत चांगलं हसत खेळत होतं. मात्र आता ते गाव होत्याचं नव्हतं झालं आहे. पाच दिवस या ठिकाणी सुरू असलेलं मदत आणि बचावकार्य आता थांबवण्यात आलं आहे. हे सगळं गाव गाडलं गेलं. 80 पेक्षा जास्त लोकांचा मृत्यू झाला. अवघे पाच लोक वाचले आहेत. महापूर आणि अतिवृष्टी यामुळे डोंगराचा भाग खाली आला आणि त्याखाली सगळं गावच गाडलं गेलं आहे. अत्यंत दुःखद अशी ही घटना आहे. या ठिकाणी आजच राज्यपाल भगत सिंह कोश्यारी यांनी भेट दिली. त्याआधी मुख्यमंत्री उद्धव ठाकरे यांनीही या गावाला भेट दिली. या गावाचं असं का झालं? नेमकी ती घटना काय घडली? जाणून घेतलं आहे मुंबई तकने.