धक्कादायक ! करुणा शर्मांच्या गाडीत सापडलं पिस्तुल, हत्यार कुठून आलं याबद्दल संभ्रम कायम

यादरम्यान करुणा शर्मा यांच्या गाडीत पोलिसांना बेकायदेशीर पिस्तुल आढळल्यामुळे त्यांच्यावर धनंजय मुंडे आणि कुटुंबियांचा घातपात करण्याचा डाव असल्याचा संशय स्थानिक कार्यकर्त्यांकडून व्यक्त केला जात आहे.

करुणा शर्मा यांची पत्रकार परिषद असल्यामुळे पोलिसांनी वैजनाथ मंदिर परिसरात अतिरीक्त बंदोबस्त ठेवला होता. पोलिसांनी दिलेल्या माहितीनुसार करुणा शर्मा पत्रकार परिषदेसाठी आल्या असता विशाखा घाडगे आणि गुड्डी तांबोळी या दोन महिलांशी त्यांची बाचाबाची झाली. ज्यावरुन करुणा शर्मा या दोघींना म्हणाल्या की तुम्ही पैसे घेऊन येथे आल्या आहात. यावेळी दोघांमध्ये झटापट झाली.

ज्यानंतर गुड्डी तांबोळी या महिलेला करुणा शर्मा यांनी चाकू मारल्यामुळे ती जखमी झाली. तिच्यावर आंबेजोगाई येथे उपचार सुरु आहेत. यावरुन विशाखा घाडगे यांनी दिलेल्या तक्रारीवरुन करुणा शर्मा व अरुण मोरे यांच्याविरुद्ध गुन्हा दाखल करण्यात आला आहे.