चिंता वाढवणारी बातमी, महाराष्ट्रात पुन्हा कोरोनाचा कहर
महाराष्ट्रात पुन्हा एकदा कोरोनाचा प्रादुर्भाव वाढतोय. गेल्या ७० दिवसांत पहिल्यांदाच बुधवारी एका दिवसात सर्वाधिक रूग्णसंख्येची नोंद झाली आहे. काल दिवसभरात ४ हजार ७८७ नव्या रुग्णांची भर पडली. रूग्णवाढीचा विचार करता मंगळवारच्या तुलनेत बुधवारी नव्या रूग्णांची संख्या तब्बल १ हजार १२४ ने अधिक नोंदली गेली आहे. मंगळवारी ही संख्या ३ हजार ६६३ इतकी होती. ७० दिवसांपूर्वी […]
ADVERTISEMENT

महाराष्ट्रात पुन्हा एकदा कोरोनाचा प्रादुर्भाव वाढतोय. गेल्या ७० दिवसांत पहिल्यांदाच बुधवारी एका दिवसात सर्वाधिक रूग्णसंख्येची नोंद झाली आहे. काल दिवसभरात ४ हजार ७८७ नव्या रुग्णांची भर पडली. रूग्णवाढीचा विचार करता मंगळवारच्या तुलनेत बुधवारी नव्या रूग्णांची संख्या तब्बल १ हजार १२४ ने अधिक नोंदली गेली आहे. मंगळवारी ही संख्या ३ हजार ६६३ इतकी होती.
७० दिवसांपूर्वी गेल्या ९ डिसेंबरला सर्वाधिक ४,९८१ एवढे कोरोना रूग्ण आढळले होते. त्यानंतर पहिल्यांदाच रूग्णसंख्येत झालेली ही वाढ सगळ्यांना काळजीत टाकणारी आहे.
बुधवारी राज्यात एकूण ४० करोनाबाधित रुग्णांचा मृत्यू झाला. मंगळवारी ही संख्या ३९ इतकी होती. सध्या राज्यातील मृत्यूदर २.४९ टक्के इतका आहे. राज्यात आतापर्यंत एकूण १९ लाख ८५ हजार २६१ कोरोनाबाधित रुग्ण बरे होऊन घरी सोडण्यात आले. राज्यात रुग्ण बरे होण्याचं प्रमाण ९५.६२ टक्के इतकं आहे.
ही देखील बातमी वाचा: ‘रुग्ण वाढतायेत, कठोर कारवाई करा’; अधिकाऱ्याची ऑडिओ क्लिप व्हायरल