झारखंड-त्रिकूट रोपवे दुर्घना : २० तासांपासून हवेत लटकले ४८ लोक, बचावकार्यात अडथळे

रविवारी सकाळी रामनवमीची पूजा करण्यासाठी आणि फिरण्यासाठी शेकडो पर्यटक आले होते. रोपवे ची एक ट्रॉली खाली येत होती आणि तेव्हाच एक ट्रॉली वरती जात होती. या ट्रॉलींची टक्कर झाली. या दुर्घटनेत अनेक लोक जखमी झाले. जेव्हा ही दुर्घटना झाली तेव्हा दोन डझन म्हणजेच २४ ट्रॉली हवेत होत्या. घाईगडबडीने काही लोकांना सुरक्षित स्थळी पोहचवण्यात आलं.

या घटनेला २० तास उलटून गेले आहेत. तरीही ४८ जण हवेतच लटवकले आहेत. हे सगळेजण १८ ट्रॉलींमध्ये आहेत. लष्कराचं हेलिकॉप्टर या ठिकाणी पोहचलं मात्र हेलिकॉप्टरच्या पंख्याच्या वेगाने १८ ट्रॉलीज हलू लागल्या. त्यामुळे आता या ट्रॉलीजमध्ये अडकलेल्या लोकांचा जीव धोक्यात आला आहे.