सत्ता आली तर ६० रुपये दराने पेट्रोल देऊ, भाजप नेत्याचं आश्वासन

सध्या पेट्रोल आणि डिझेलचे वाढते दर हा देशात चर्चेचा मुद्दा ठरला आहे. सामान्य जनतेला या दरवाढीची झळ सोसावी लागत आहे. या मुद्द्यावरुन केरळमध्ये भाजप नेत्यांनी सत्ताधारी पक्षाला कोंडीत पकडण्याचे प्रयत्न सुरु केले आहेत. राज्यात पेट्रोल आणि डिझेलला जीएसटीच्या कक्षेत आणण्याचा दावा भाजप नेत्यांनी केला आहे. केरळमधील सध्याचं सरकार पेट्रोल आणि डिझेलला जीएसटीच्या कक्षेत का आणत नाही असा सवालही भाजप नेत्यांनी विचारला आहे.

अवश्य वाचा – राज्यातील वीज ग्राहकांना दिलासा, वीजदरांत दोन टक्क्यांची कपात

सध्या देशातील अनेक भागांमध्ये पेट्रोलने शंभरी ओलांडली आहे. मध्य प्रदेश आणि राजस्थानमधील काही भागांमध्ये पेट्रोलचे दर आता शंभरीपार गेले आहेत. महाराष्ट्रातील काही भागांमध्येही पेट्रोल शंभर रुपयांच्या वर गेलंय. वाढत्या इंधन दरांवरुन केंद्रातील मोदी सरकारवर विरोधक वारंवार टीका करत आहेत. पेट्रोलच्या किमतीवर केंद्र सरकार उत्पादन शुल्क तर राज्य सरकार मूल्यवर्धित कर म्हणजे VAT आकारतं. केंद्रातील मोदी सरकारने गेल्या वर्षभराच्या कालावधीत पेट्रोल आणि डिझेलच्या करांमध्ये दोनदा वाढ केली आहे. त्यामुळे आगामी काळात इंधन दरवाढीचा फटका भाजपला निवडणुकांमध्ये बसतो का हे पाहणं महत्वाचं ठरणार आहे.