Layer’r Shot Ad : बॉडी स्प्रेच्या जाहिरातींवर गँगरेपला प्रोत्साहन देण्याचा आरोप?, केंद्राच्या नोटीसमध्ये काय?

केंद्रीय माहिती व प्रसारण मंत्रालयाने शनिवारी लोकप्रिय प्लॅटफॉर्म असलेल्या युट्यूब आणि ट्विटरला नोटीस बजावली. लेअर शॉट बॉडी स्प्रे च्या दोन जाहिराती प्लॅटफॉर्मवरून हटवण्याचे आदेश केंद्र सरकारने दिले आहेत. दोन्ही जाहिराती सोशल मीडियावर व्हायरल झाल्यानंतर आणि त्यावरून संतप्त प्रतिक्रिया उमटल्यानंतर केंद्राने हे आदेश दिले.

नेमकं प्रकरण काय?

लेअर शॉट बॉडी स्प्रेच्या दोन जाहिराती चर्चेत आल्या आहेत. जाहिरातीमधील दृश्ये आणि संवाद सामूहिक बलात्काराच्या विकृतीला प्रोत्साहन देणारे असल्याचं सांगत सिने कलाकारांसह लोकांनी संताप व्यक्त केला.