अंबानींच्या घराबाहेर स्कॉर्पिओ प्रकरणात NIA करणार तपास

हिरेन मृत्यू प्रकरण : मृताच्या टाळूवरचं लोणी खाण्याची सवय सोडा !

महाराष्ट्र एटीएस या प्रकरणाचा तपास करत होती. काही दिवसांनी या स्कॉर्पिओचे मालक मनसुख हिरेन यांचा मृतदेह मुंब्रा येथील खाडीत सापडला होती. यानंतर या प्रकरणाला एक वेगळचं वळण लागलं. दरम्यान महाराष्ट्राचे विरोधीपक्षनेते देवेंद्र फडणवीस यांनी या प्रकरणाचा तपास NIA कडे सोपवावा अशी मागणी केली होती.

दरम्यान मनसुख हिरेन मृत्यू प्रकरणाचा महाराष्ट्र एटीएसने तपास सुरु केला असून हिरेन यांच्या पत्नीने दिलेल्या जवाबावरुन अज्ञात व्यक्तीविरोधात हत्येचा गुन्हा दाखल केला आहे. हिरेन यांच्या मृत्यूचा तपास करण्यासाठी एटीएसने १० पथकं स्थापन केली असून हिरेन यांच्या मोबाईलचं लोकेशन ज्या मांडवी भागात सापडलं तिकडेही एक पथक तपास करत आहे. त्यामुळे आगामी काळात या प्रकरणात नेमक्या काय घडामोडी घडतायत हे पाहणं महत्वाचं ठरणार आहे.