आजपासून लसीकरणाचा दुसरा टप्पा, मुंबईत या ठिकाणी मिळेल तुम्हाला लस

केंद्र सरकारच्या आदेशानुसार कोरोना लसीकरणाचा दुसरा टप्पा आजपासून राबवण्यात येणार आहे. या टप्पात ६० वर्ष व त्यावरील आणि ४५ ते ५९ वर्ष वयोगटातील आजारी असलेल्या नागरिकांचे लसीकरण करण्यात येणार आहे. केंद्र सरकारकडून प्राप्त झालेल्या मार्गदर्शक सूचनांनुसार या टप्प्यात शासकीय तसेच खासगी रुग्णालयात लसीकरण राबवण्यात येणार आहे. मुंबई शहरातील जी खासगी रुग्णालयं जन आरोग्य योजना तसेच केंद्र अथवा राज्य शासनाच्या आरोग्यविमा योजना राबवत असतील अशा रुग्णालयांना सदर लसीकरण कार्यक्रमात समाविष्ट करण्यात येणार आहे. महानगरपालिका किंवा शासकीय रुग्णालयात लसीकरण निशुल्क: असून खासगी रुग्णालयात प्रत्येक डोससाठी २५० रुपये भरावे लागणार आहेत.