धक्कादायक! नरबळीसाठी चेन्नईवरुन चार वर्षाच्या मुलाचं अपहरण, दोन आरोपी अटकेत; बालकाची सुटका

चौकशीदरम्यान या दोन्ही व्यक्तींनी योग्य उत्तरं न दिल्यामुळे पोलिसांचा संशय वाढला आणि त्यांनी आपला हिसका दाखवल्यानंतर दोन्ही आरोपींनी आपला गुन्हा कबूल केला आहे.

मोनू केवट आणि शिब्बु केवट अशी या आरोपींची नावं असून त्यांनी चेन्नईतून या बालकाचं अपहरण केल्याची कबुली देत नरबळीसाठी याचा वापर करणार असल्याचं पोलिसांना सांगितलं. आरोपीचं दोन वर्षांपूर्वी लग्न झालं होतं. परंतू पत्नीला मुलं-बाळ होत नसल्यामुळे एका तांत्रिकाने त्याला नरबळीचा सल्ला दिला होता. यानंतर दोघांनीही चेन्नईवरुन या बालकाचं अपहरण केलं.

दरम्यान नागपूर पोलिसांनी या लहान बालकाला शेल्टर होममध्ये ठेवून त्याच्या परिवाराशी संपर्क केला. तामिळनाडू पोलिसांना याबद्दल माहिती देण्यात आली. तामिळनाडू पोलिसांचं पथक नागपूरला दाखल झाल्यानंतर त्यांनी दोन्ही आरोपींना अटक केली असून बालकालाही त्याच्या परिवाराच्या स्वाधीन करण्यात आलं आहे.

वाढती गुन्हेगारी ठरतेय चिंतेचा विषय, NCRB च्या रेकॉर्डनुसार नागपूर गुन्हेगारीत अव्वल