Money Laundering प्रकरणात अभिनेत्री नोरा फतेहीची ईडीकडून चौकशी

दिल्लीच्या तिहार कारागृहातून २०० कोटींची खंडणी मागण्यात आली. या प्रकरणी नोरा फतेहीची चौकशी करण्यात येते आहे. या प्रकरणी पुन्हा एकदा जॅकलिन फर्नांडिस उद्या ईडी कार्यालयात येऊ शकते.

काय आहे प्रकरण?

खंडणीसाठी कुप्रसिद्ध असलेल्या सुकेश चंद्रशेखरशी हे प्रकरण निगडीत आहे असं समजतं आहे. तिहार जेलमधून 23 ऑगस्टला आत्तापर्यंत सर्वात मोठी खंडणी 200 कोटी वसूल करणाऱ्या आरोपी सुकेश चंद्रशेखर आणि अॅक्ट्रेस लीना पॉलच्या चेन्नई येथील बंगल्यावर ईडीने छापा मारला होता. ईडीने ईस्ट कोस्ट रोडवर असलेल्या सुकेशच्या बंगल्यावर जो छापा मारला त्या बंगल्याची किंमत कोट्यवधी रूपये आहे. छापा मारल्यानंतर ईडीने मोठ्या प्रमाणावर रोख रक्कम आणि पंधरा आलिशान कार जप्त केल्या.

सिल्वर ड्रेसमध्ये नोरा फतेहीचा जलवा!

सुकेशने तिहार जेलमधून एका मोठ्या व्यावसायिकाच्या पत्नीकडून 200 कोटींची खंडणी वसूल केली. यामध्ये RBL बँकेच्या अधिकाऱ्यांच्या समवेत तिहार प्रशासनाच्या काही लोकांना अटक करण्यात आली. सुकेशची निकटवर्तीय असलेल्या लीना पॉलचीही ईडीने चौकशी केली. सुकेशला खंडणी प्रकरणात अटक करण्यात आली होती. सुकेश सध्या EOW च्या कोठडीत आहे. एवढंच नाही तर सुकेशला AIDMK चिन्हाच्या प्रकरणातही अटक करण्यात आली आहे.