Patra Chawl land scam case : ईडीचं पथक खासदार संजय राऊतांच्या घरी

पत्रा चाळ प्रकरणात ईडीने संजय राऊतांना समन्स बजावलेलं होतं. मात्र, संजय राऊत चौकशीसाठी हजर राहिले नाही. त्यानंतर ईडीकडून पुन्हा समन्स पाठवलं जाऊ शकतं, अशी चर्चा सुरू असतानाच आज ईडीचं पथक त्यांच्या घरी दाखल झालं. संजय राऊत यांच्या भांडूप येथील घरी ईडीचे अधिकारी पोहोचले असून, त्यांची चौकशी केली जाणार आहे.

यापूर्वी १ जुलै रोजी खासदार संजय राऊत ईडीच्या कार्यालयात चौकशीसाठी गेले होते. त्यावेळी त्यांची १० तास चौकशी करण्यात आली होती. त्यानंतर संजय राऊत यांना २० जुलै आणि २७ जुलै रोजी समन्स बजावण्यात आलेलं होतं, मात्र ते चौकशीसाठी हजर राहिले नाही.

संजय राऊत यांच्या भांडूप येथील मैत्री बंगल्यात ईडीचं पथक असून, बाहेर पोलिसांचा कडेकोट बंदोबस्त ठेवण्यात आला आहे.