Amravati: धक्कादायक… PSI पोलीस अधिकाऱ्याची झाडाला गळफास घेऊन आत्महत्या

अमरावतीत (Amravati) एका PSI दर्जाच्या पोलीस अधिकाऱ्याने (Police Office) गळफास घेऊन आत्महत्या (Suicide) केल्याची धक्कादायक घटना घेतली आहे. फ्रेजरपुरा पोलीस स्थानकात PSI पदावर कार्यरत असलेल्या अनिल मुळे यांनी गळफास घेऊन आत्महत्या केल्याची घटना समोर आल्यानंतर अमरावती पोलिसात एकच खळबळ उडाली आहे.

मिळालेल्या माहितीनुसार काल (13 ऑगस्ट) दुपारी दोन वाजेच्या सुमारास शेगाव रहाटगाव रोडवरील महालक्ष्मी अपार्टमेंटच्या बाजूला असलेल्या खुल्या जागेत ही घटना घडली आहे. दरम्यान, एका पीएसआय अधिकाऱ्याने अशाप्रकारे आत्महत्या का केली असावी? याचं कारण अद्यापही अस्पष्ट आहे.

मात्र, या घटनेच्या दोन दिवस अगोदर 11 ऑगस्ट रोजी त्यांनी फेसबुकवर एक पोस्ट लिहली होती. ज्यामध्ये त्यांनी असं म्हटलं होतं की, ‘माझ्या सर्व मित्रांना विनंती आहे की, कोणीतरी माझ्या नावाने फेक आयडी काढलं आहे. आणि तो लोकांना माझ्या नावाने पासे मागत आहे. कृपया सर्वांनी त्या फेक आयडीला रिपोर्ट करावे. कोणीही कसल्याही प्रकारचा पैशाचा व्यवहार करू नये. आपलाच psi अनिल मुळे.’