Rave Party : काहीजणांच्या बॅगेत सापडले ड्रग्ज; ‘कॉर्डेलिया’च्या अध्यक्षांनी दिली माहिती
समुद्रमार्गे गोव्याला निघालेल्या क्रूझ जहाजावर सुरू असलेल्या रेव्ह पार्टीचा एनसीबीने शनिवारी पर्दाफाश केला. या कारवाईत अभिनेता शाहरुख खान याचा मुलगा आर्यन खान यालाही ताब्यात घेण्यात आलं आहे. त्यामुळे खळबळ उडाली आहे. दरम्यान, या प्रकरणाचा तपास एनसीबीकडून सुरू असतानाच कॉर्डेलिया क्रूझच्या अध्यक्षांनी झालेल्या प्रकाराबद्दल खुलासा केला आहे. कॉर्डेलिया क्रूझचं जहाज मुंबईहून गोव्याच्या दिशेनं जात होतं. मुंबईची […]
ADVERTISEMENT
समुद्रमार्गे गोव्याला निघालेल्या क्रूझ जहाजावर सुरू असलेल्या रेव्ह पार्टीचा एनसीबीने शनिवारी पर्दाफाश केला. या कारवाईत अभिनेता शाहरुख खान याचा मुलगा आर्यन खान यालाही ताब्यात घेण्यात आलं आहे. त्यामुळे खळबळ उडाली आहे. दरम्यान, या प्रकरणाचा तपास एनसीबीकडून सुरू असतानाच कॉर्डेलिया क्रूझच्या अध्यक्षांनी झालेल्या प्रकाराबद्दल खुलासा केला आहे.
कॉर्डेलिया क्रूझचं जहाज मुंबईहून गोव्याच्या दिशेनं जात होतं. मुंबईची समुद्री हद्द ओलांडल्यानंतर जहाजात रेव्ह पार्टी सुरू झाली. एनसीबीच्या अधिकाऱ्यांनी तातडीने कारवाई करत रेव्ह पार्टी उधळून लावली. या प्रकरणात दोन तरुणींसह आठ जणांना अटक करण्यात आली आहे.
रेव्ह पार्टीत कोण कोण सहभागी होतं आणि कुणी आयोजित केली होती? याबद्दलची चर्चा सुरू असतानाच आता कॉर्डेलिया क्रूझचे अध्यक्ष आणि सीईओ जुर्गन बैलोम यांनी सविस्तर माहिती दिली.
‘अंमली पदार्थ विरोधी विभागाला काही प्रवाशांच्या सामनात ड्रग्ज सापडले. ज्या प्रवाशांच्या सामनात अंमली पदार्थ आढळून आले, त्यांना तत्काळ कॉर्डेलिया क्रूझवरून उतरवण्यात आलं. त्यामुळे क्रूझला विलंब झाला’, असं जुर्गन बैलोम यांनी म्हटलं आहे.
हे वाचलं का?
