Reliance Jio च्या ग्राहकांनाही झटका! अनलिमिटेड प्रीपेड प्लान महागले
एअरटेल (Airtel) आणि वोडाफोन-आयडिया (Vodafone Idea) अर्थात वी (Vi) या दूरसंचार कंपन्यांनी प्रीपेड प्लान्सच्या दरात वाढ करण्याचा निर्णय घेतल्यानंतर आता रिलायन्स जिओनेही प्रीपेड दरात वाढ केली आहे. त्यामुळे जिओच्या प्रीपेड ग्राहकांनाही महागाईचा झटका बसणार आहे. 1 डिसेंबरपासून नवे दर लागू केले जाणार आहेत. कोरोना आणि लॉकडाउनमुळे दूरसंचार सेवा क्षेत्रालाही मोठा फटका बसला आहे. यातून सावरण्यासाठी […]
ADVERTISEMENT
एअरटेल (Airtel) आणि वोडाफोन-आयडिया (Vodafone Idea) अर्थात वी (Vi) या दूरसंचार कंपन्यांनी प्रीपेड प्लान्सच्या दरात वाढ करण्याचा निर्णय घेतल्यानंतर आता रिलायन्स जिओनेही प्रीपेड दरात वाढ केली आहे. त्यामुळे जिओच्या प्रीपेड ग्राहकांनाही महागाईचा झटका बसणार आहे. 1 डिसेंबरपासून नवे दर लागू केले जाणार आहेत.
कोरोना आणि लॉकडाउनमुळे दूरसंचार सेवा क्षेत्रालाही मोठा फटका बसला आहे. यातून सावरण्यासाठी दूरसंचार कंपन्यांनी टॅरिफमध्ये वाढ करण्याचा निर्णय घेण्यात आला आहे. भारती एअरटेलने अर्थात एअरटेलने आपल्या प्रीपेड प्लानच्या दरात सुरुवातीला वाढ करण्याचा निर्णय घेतला होता. त्यानंतर वोडाफोन-आयडियानेही प्रीपेड प्लान्सचे दर वाढवले असून, या दोन कंपन्यांपाठोपाठ रिलायन्स जिओनंही प्रीपेड प्लान्समध्ये वाढ केली आहे.
रिलायन्स जिओने आपल्या अनलिमिटेड प्रीपेड प्लान्सचे दर वाढवण्याचा निर्णय घेतला आहे. त्यामुळे जिओच्या ग्राहकांना सर्वच अनलिमिटेड प्लानसाठी जास्तीचे पैसे मोजावे लागणार आहेत. 75 रुपयांच्या जिओ फोन प्लानची किंमत आता 91 रुपये इतकी करण्यात आली आहे.
अनलिमिटेड प्लान्सच्या किंमतीतही मोठी वाढ करण्यात आली आहे. 129 रुपयांच्या अनलिमिटेड प्लानची किंमत 155 रुपये झाली आहे. तर 149 रुपयांचा प्लान 179 रुपयांपर्यंत महागला आहे. 199 रुपयांचा प्लान 239 रुपयांना झाला असून, 249 रुपयांच्या प्लानसाठी आता 299 रुपये मोजावे लागणार आहेत.
हे वाचलं का?
