पंडित नेहरूंच्या निमंत्रणानंतर संघ स्वयंसेवकांनी 26 जानेवारीला राजपथावर केलं होतं संचलन
26 जानेवारी हा दिवस गणतंत्र दिवस म्हणून साजरा केला जातो. आपल्या देशाच्या दृष्टीने या गणतंत्र दिवसाचं महत्त्व अनन्य साधारण आहे. राजपथावर संचलन साजरं होतं. आपल्या देशातील विविध राज्यांचे चित्ररथ निघतात. त्यात त्यांची संस्कृती दाखवली जाते. तसंच लष्कर, नौदल आणि वायूदल यांचीही शक्ती देशाला पाहण्यास मिळते. हा क्षण दरवर्षी डोळ्यात साठवून ठेवण्यासारखा असतो. अशीच एक आठवण […]
ADVERTISEMENT
26 जानेवारी हा दिवस गणतंत्र दिवस म्हणून साजरा केला जातो. आपल्या देशाच्या दृष्टीने या गणतंत्र दिवसाचं महत्त्व अनन्य साधारण आहे. राजपथावर संचलन साजरं होतं. आपल्या देशातील विविध राज्यांचे चित्ररथ निघतात. त्यात त्यांची संस्कृती दाखवली जाते. तसंच लष्कर, नौदल आणि वायूदल यांचीही शक्ती देशाला पाहण्यास मिळते. हा क्षण दरवर्षी डोळ्यात साठवून ठेवण्यासारखा असतो. अशीच एक आठवण असते ती म्हणजे प्रजासत्ताक दिनी होणारं संचलन. विविध प्रकारच्या परेड यावेळी राजपथावर होतात.
संचलन करण्यासाठी राष्ट्रीय स्वयंसेवक संघाचे स्वयंसेवकही एकदा राजपथावर दिसले होते. ही गोष्ट तुम्हाला माहित आहे का? पंडित नेहरूंनी या सगळ्यांना निमंत्रण दिलं होतं. तो दिवस होता 26 जानेवारी 1963 चा गणतंत्र दिवस. 1962 चं चीनसोबतचं युद्ध पार पडलं होतं. या युद्धामुळे भारत आणि चीन यांच्यात तणाव कायम होता.
1930 पासून देशात Muslim समाजाची लोकसंख्या वाढवण्याचा प्रयत्न होतो आहे, RSS प्रमुख मोहन भागवत यांचं वक्तव्य
त्यावेळी जो गणतंत्र दिवस आला, त्यादिवशी देशाचे पहिले पंतप्रधान पंडित जवाहरलाल नेहरू यांनी 1963 मध्ये राष्ट्रीय स्वयंसेवक संघाला 26 जानेवारीचं औचित्य साधून राजपथावर संचलन करण्यासाठी बोलावलं होतं. पंडित नेहरू हे राष्ट्रीय स्वयंसेवक संघाच्या सामाजिक कार्यामुळे प्रभावित झाले होते आणि संचलनात सहभागी होण्यासाठी संघ स्वयंसेवकांना बोलावलं होतं. त्यामुळे तो असा प्रजासत्ताक दिन होता ज्या दिवशी संघाचे स्वयंसेवक हे राजपथावर संचलन करताना दिसले होते. चीन आणि भारत यांच्यात झालेल्या युद्धादरम्यान जे सामाजिक कार्य संघाने करून दाखवलं त्याचा प्रभाव पंडित नेहरूंवर पडला होता. इतिहासकार रुद्रांगशू मुखर्जी यांच्या ‘Nehru & Bose Parallel Lives’ या पुस्तकात या घटनेचा उल्लेख करण्यात आला आहे.
