सावत्र पित्यानेच केला अत्याचार

मिळालेल्या माहितीनुसार, घराचा गाडा चालवण्यासाठी पीडितेची आई आपल्या लहान मुलांसह कामासाठी उत्तराखंडला गेली होती. यावेळी घरात एकट्या असलेल्या मुलीवर सावत्र पित्याने वारंवार बलात्कार केला. आरोपीने तिला जीवे मारण्याची धमकी दिल्याने घाबरलेल्या मुलीने ही बाब कोणालाही सांगितली नाही. मात्र, काही काळानंतर तिच्या शरीरात बदल होऊ लागले आणि सतत पोटात दुखू लागले. सुरुवातीला औषधोपचार करून वेळ मारून नेली, परंतु 31 मार्च रोजी वेदना असह्य झाल्याने आईने तिला डॉक्टरांकडे नेले, तेव्हा ती गरोदर असल्याचे वैद्यकीय तपासात निष्पन्न झाले.

हे ही वाचा : हैवानाने महिलेवर लैंगिक अत्याचार केला, नंतर गुप्तांगात बाटली घालून दगडाने डोकं ठेचलं, क्रूरतेची परिसिमा ओलांडली

सावत्र बापाच्या बाळाला जन्म देणार की नाही?

या धक्कादायक खुलाशानंतर पीडितेच्या आईने 1 एप्रिल रोजी पोलीस ठाण्यात धाव घेऊन तक्रार दाखल केली. पोलिसांनी तत्परतेने कारवाई करत नराधम सावत्र पित्याविरुद्ध गुन्हा दाखल करून त्याला अटक केली असून सध्या तो तुरुंगात आहे. आरोपी तुरुंगात गेला असला तरी पीडित मुलीची ओढाताण थांबलेली नाही. 16 वर्षांच्या कोवळ्या वयात स्वतःच्या सावत्र बापाच्या बाळाला जन्म द्यायचा की नाही, या विवंचनेत ही मुलगी अडकली आहे. सामाजिक आणि मानसिक परिणामांचा विचार करून आईने आता न्यायाचे दार ठोठावले आहे.

हे ही वाचा : नाशिक हादरले! दिंडोरीत भीषण अपघात, कार विहिरीत कोसळून 6 मुलांसह 9 जणांचा दुर्दैवी अंत

गर्भपातासाठी न्यायालात याचिका

पीडितेच्या आईने मुलीचा गर्भपात करण्याची परवानगी मिळावी यासाठी न्यायालयात याचिका दाखल केली आहे. कायद्यानुसार ठराविक काळानंतर गर्भपात करण्यासाठी न्यायालयाची संमती आवश्यक असते, त्यामुळे आता न्यायालयाच्या निर्णयाकडे सर्वांचे लक्ष लागले आहे. दरम्यान, पोलीस या प्रकरणाचा अधिक तपास करत असून पीडितेच्या आईने न्यायालयात केलेल्या अर्जाबाबत अद्याप अधिकृत माहिती मिळालेली नाही, असे पोलीस निरीक्षक प्रमेंद्र यांनी सांगितले आहे. या घटनेमुळे परिसरात तीव्र संताप व्यक्त केला जात आहे.