Russia-ukraine war : बायडेन पुतिन यांना म्हणाले, युद्ध गुन्हेगार; रशिया संतापला

क्रेमलिनचे प्रवक्ते दिमित्री पेसकोव्ह यांनी बुधवारी बोलताना सांगितलं की, ‘अमेरिकेच्या अध्यक्षांनी राष्ट्राध्यक्ष पुतिन यांना युद्धाचे गुन्हेगार म्हटलं आहे. हे अस्वीकार्य आणि कधीही माफ न करण्यासारखं विधान आहे.’ अमेरिकेचे अध्यक्ष बायडेन यांनी वॉशिंग्टन मध्ये माध्यमांशी बोलताना रशियाच्या राष्ट्राध्यक्षांचा उल्लेख करत त्यांना युद्धाचे गुन्हेगार म्हटलं होतं.

रशिया – युक्रेनच्या वादाचा भारतावर काय परिणाम होणार?

रशियाने युक्रेनवर केलेल्या हल्ल्यानंतर अमेरिकेकडून करण्यात आलेलं हे सर्वात टोकदार विधान आहे. युक्रेनवर हल्ला केल्याप्रकरणी यापूर्वी बायडेन यांनी रशियाला अनेकदा इशारा दिलेला आहे. १२ मार्च रोजी बायडेन यांनी पुतिन यांच्यावर दबाब वाढवण्यास आणि रशियाला जागतिक स्तरावर वेगळं पाडण्यास सक्षम असल्याचं म्हटलं होतं.