Sharad Pawar: क्रूझ ड्रग्स प्रकरणात पवारांचा NCB ला ‘एक’ थेट सवाल, काय म्हणाले पवार?

मुंबईतील क्रूझवर ड्रग्स प्रकरणात करण्यात आलेली कारवाई ही बनावट आहे. असा थेट आरोप राष्ट्रवादी काँग्रेसचे मंत्री नवाब मलिक यांनी पत्रकार परिषद घेऊन केला होता. त्यातच आता राष्ट्रवादी काँग्रेसचे अध्यक्ष शरद पवार यांनी देखील NCB च्या कारवाईवर काही सवाल उपस्थित केले आहेत. त्यामुळे आता या संपूर्ण प्रकरणाला हळूहळू राजकीय वळण लागत आहे.

‘आरोपींना पकडण्याचा अधिकार हा साक्षीदारांना कसा काय असू शकतो?’ असा थेट सवाल शरद पवार यांनी एनसीबीला विचारला आहे. कालही अशाच स्वरुपाचा प्रश्न नवाब मलिक यांनी विचारला होता. ज्यावर एनसीबीने एवढंच सांगितलं होतं की, ते सगळे स्वतंत्र साक्षीदार होते त्यामुळे त्यांना रेडमध्ये सामील करण्यात आलं होतं. मात्र आता याप्रकरणी पवारांनी पुन्हा एकदा बारामतीत पत्रकारांशी बोलताना अशाच स्वरुपाचा सवाल केला आहे.

पाहा शरद पवार ड्रग्स केसप्रकरणी काय म्हणाले: