Shiv Sena: ‘बाळासाहेबांच्या फोटोची कॉपी करण्यापेक्षा…’, भाजपचा ठाकरेंवर हल्ला

उद्धव ठाकरे यांनी पुन्हा एकदा पंतप्रधान नरेंद्र मोदी, केंद्रीय निवडणूक आयोगाचे आयुक्तांवर निशाणा साधला. उद्धव ठाकरे यांनी गाडीत उभं राहून त्यांच्या समर्थकांना संबोधित केलं. ठाकरेंच्या भाषणानंतर बाळासाहेब ठाकरे यांचा फोटो व्हायरल आणि त्यानंतर बावनकुळेंनी ठाकरेंना टोले लगावले.

आमचं कवच एकच…
तुमचं प्रेम आणि तुमचे आशीर्वाद! pic.twitter.com/qTV6Xk03rb

— Aaditya Thackeray (@AUThackeray) February 18, 2023

Devendra Fadnavis: पक्षामध्ये, पक्षाबाहेर लोकं एकमेकांचे शत्रू असल्यासारखे वागतात: फडणवीस

भाजपचे प्रदेशाध्यक्ष चंद्रशेखर बावनकुळे म्हणाले की, “उद्धवजी बाळासाहेबांच्या विचारांची कॉपी करा. गेल्या अडीच वर्षांत सरकार चालवण्यासाठी तुम्ही कधी घराबाहेर पडला नाहीत आणि आज कारच्या सनरूफचा आधार घेत मातोश्रीच्या बाहेर पडून भाषण करत आहात. पण बाळासाहेबांच्या फोटोची कॉपी करण्यापेक्षा त्यांच्या हिंदुत्ववादी विचारांची कॉपी करा”, असा खोचक टोला बावनकुळेंनी ठाकरेंना लगावला आहे.

उद्धवजी बाळासाहेबांच्या विचारांची कॉपी करा.

गेल्या अडीच वर्षांत सरकार चालवण्यासाठी तुम्ही कधी घराबाहेर पडला नाहीत आणि आज कारच्या सनरूफचा आधार घेत मातोश्रीच्या बाहेर पडून भाषण करत आहात. पण बाळासाहेबांच्या फोटोची कॉपी करण्यापेक्षा त्यांच्या हिंदुत्ववादी विचारांची कॉपी करा. pic.twitter.com/nyZ44J5aNU

— Chandrashekhar Bawankule (@cbawankule) February 18, 2023

‘कॅापीबहीद्दर’ म्हणत केशव उपाध्ये ठाकरेंना डिवचलं

भाजपचे मुख्य प्रवक्ते केशव उपाध्ये यांनीही ट्विट करत उद्धव ठाकरेंना लक्ष्य केलं. “गाडीवर उभ राहण्याची कॅापी करून होत नसत. बाळासाहेबांनी दिवसरात्र मेहनत घेतली, कार्यकर्ता जपला, संघटना उभी केली. सत्तेवर शिवसैनिक बसवला”, असं उपाध्ये म्हणाले.

Shiv Sena: ‘धनुष्यबाण’ गेला, ‘मशाल’ही जाणार?, ठाकरेंचं टेन्शन वाढणार!

पुढे बोलताना त्यांनी उद्धव ठाकरेंना कॅापीबहीद्दर म्हणत सुनावलं. “कधी घराच्या बाहेर पडले नाहीत. कार्यकर्ता भेटले नाहीत. उभी संघटना गमावली. विश्वासघाताने स्वःताच सत्तेवर बसले”, असं म्हणत उपाध्येंनी ठाकरेंवर प्रहार केला.

गाडीवर उभ राहण्याची कॅापी करून होत नसत.

बाळासाहेबांनी
◾️दिवसरात्र मेहनत घेतली,
◾️कार्यकर्ता जपला,
◾️संघटना उभी केली.
◾️सत्तेवर शिवसैनिक बसवला.

कॅापीबहीद्दर
◾️कधी घराच्या बाहेर पडले नाहीत.
◾️कार्यकर्ता भेटले नाहीत
◾️उभी संघटना गमावली
◾️विश्वासघाताने स्वःताच सत्तेवर बसले pic.twitter.com/H5kob3OOxG

— Keshav Upadhye (@keshavupadhye) February 18, 2023

उद्धव ठाकरे यांनी कारच्या सनरुफवर उभं राहून भाषण केल्यानंतर बाळासाहेब ठाकरेंचा जुना फोटो व्हायरल झाला. बाळासाहेब ठाकरे शिवसेनेची स्थापना केल्यानंतर मुंबईत कारच्या बोनेटवर उभं राहून भाषण करायचे. अशाच पद्धतीने ते त्यांची मराठी माणसाबद्दलची भूमिका मांडायचे. तोच फोटो आता व्हायरल होत असून, ठाकरेंची तुलना बाळासाहेबांशी केली जात आहे.