संतापजनक! शिवसेना आमदाराकडून महिलेला रस्त्यावरच लाथाबुक्क्यांनी बेदम मारहाण

औरंगाबाद जिल्ह्यातील वैजापूर येथे ही घटना घडली. भाजपच्या कार्यक्रमाला गेल्याच्या कारणावरून शिवसेना आमदार रमेश बोरणारे यांच्यासह त्यांच्या नातेवाईकांनी बेदम मारहाण केल्याचा आरोप एका महिलेनं केला आहे.

महिलेनं पोलिसांत दिलेल्या तक्रारीनुसार, “आमच्या गावात भाजपच्या शाखेचं उद्घाटन कार्यक्रम आयोजित करण्यात आला होता. या कार्यक्रमाला आम्ही गेलो होतो. त्यानंतर आम्ही वैजापूर येथील गोदावरी कॉलनीत एका वर्षश्रद्धाच्या कार्यक्रमाला गेलो होतो. त्यावेळी भाजपच्या कार्यक्रमाला हजर राहिल्याचा राग मनात धरून आमदार रमेश बोरणारे यांच्यासह कुटुंबातील ९ सदस्यांनी मला मारहाण केली. रस्त्यावर खाली पाडून लाथांनी मला मारलं,” असा आरोप महिलेनं केला आहे.