केंद्रीय तपास यंत्रणा म्हणजे शिखंडींच्या हातातील हत्यारं, शिवसेनेची घणाघाती टीका

नवाब मलिक यांच्या अटकेच्या कारवाईनंतर शिवसेना आणि भाजप यांच्यातला संघर्ष जरा जास्त तीव्र झालेला पाहण्यास मिळतो आहे. त्याआधी किरीट सोमय्यांच्या आरोपांना संजय राऊत यांनी जोरदार प्रत्युत्तर दिलं होतं. किरीट सोमय्या यांनीही संजय राऊत यांच्यावर टीकेचे बाण चालवले. आता शिवसेना विरूद्ध भाजप असा सामना रोज पाहण्यास मिळतो आहे. सामनाच्या अग्रलेखातून आजही भाजपवर टीका करण्यात आली आहे. केंद्रीय तपास यंत्रणा म्हणजे शिखंडीच्या हातातील हत्यारे झाली आहेत असा उल्लेख आज सामनाच्या अग्रलेखात करण्यात आला आहे.