धक्कादायक! बुलढाण्यात अविवाहित तरूणाने स्वतःचं सरण पेटवून केली आत्महत्या

खामगाव तालुक्यातील पळशी खुर्द येथील 29 वर्षीय महेंद्र नामदेव बेलसरे या अविवाहित तरुणाने स्वतःचे सरण रचून त्यामध्ये उडी घेत आत्महत्या केल्याची धक्कादायक घटना बुधवारी संध्याकाळी साडे सात वाजताच्या सुमारास उघडकीस आली आहे.

गावालगत असलेल्या आपल्या शेतामध्ये महेंद्र बेलसरे या तरुणाने रात्री साडेसात वाजताच्या सुमारास सरण रचत ते पेटवून दिले आणि अंगावर पेट्रोल ओतून सरणामध्ये उडी घेतली, ज्यामध्ये तो पूर्णपणे जळून खाक झाला आहे, आत्महत्येचे कारण अद्याप स्पष्ट झाले नाही.

पोलिसांनी घटनास्थळी जाऊन पंचनामा करत मृतदेह उत्तरीय तपासणीसाठी खामगाव शासकीय रुग्णालयात पाठवला आहे, पुढील तपास खामगाव ग्रामीण पोलिस करत आहेत.