Supriya Sule: पुण्यातील कार्यक्रमात सुप्रिया सुळेंच्या साडीने घेतला पेट

सुप्रिया सुळे या आज (15 जानेवारी) पुणे दौऱ्यावर आहेत. पुणे शहरात आज विविध कार्यक्रमांचं आयोजन करण्यात आलं आहे. ज्यासाठी सुप्रिया सुळे या प्रमुख पाहुण्या असणार आहेत. त्यातीलच एक कार्यक्रम हा बावधन या ठिकाणी होता.

शरद पवार यांनी महाराष्ट्र दौरा केला की ते सत्तेत येतात- सुप्रिया सुळे

कराटे प्रशिक्षण शिबीर उद्घाटनाचा हा कार्यक्रम सुप्रिया सुळे यांच्या हस्ते होता याच कार्यक्रमात दीपप्रज्वलन पार पडत असताना तिथल्या दिव्याच्या वातीमुळे सुप्रिया सुळे यांच्या साडीने अचानाक पेट घेतला. पण ही बाब सुप्रिया सुळे आणि मंचावरील कार्यकर्त्यांच्या लक्षात आल्याने आग लगेचच विझविण्यात आली.

सुदैवाने यात सुप्रिया सुळे यांना कोणतीही इजा झाली नसून त्या सुखरुप असल्याची माहिती त्यांच्या जवळच्या कार्यकर्त्यांनी दिली आहे.

पुण्यातील एका जाहीर कार्यक्रमात दीपप्रज्वलन आणि प्रतिमा पूजन करताना सुप्रिया सुळे यांच्या साडीने अचानक घेतला पेट pic.twitter.com/HZXYDdL7ev

— Mumbai Tak (@mumbaitak) January 15, 2023

मात्र या घटनेमुळे वातावरणात काहिसा तणाव निर्माण झाला होता. मात्र, सुप्रिया सुळे सुखरुप असल्याचं समजल्यानंतर पुढील कार्यक्रमाला सुरुवात झाली.

जी काही घटना घडली ती त्या ठिकाणी दिव्याच्या वातीमुळे घडली आहे. काही क्षण ही गोष्ट सुप्रिया सुळेंच्याही लक्षात आली नाही. त्यामुळे आगीचा भडका हा वाढला. मात्र, जवळच असलेले कार्यकर्ते धावून आल्यामुळे आग अधिक प्रमाणात भडकली नाही. या सगळ्यानंतर सुप्रिया सुळे या सुखरूप असून त्या त्यांच्या नियोजत कार्यक्रमांसाठी रवाना झाल्या आहेत.

बाळासाहेबांचं नाव चालतं मग मुलगा आणि नातू का चालत नाही? सुप्रिया सुळेंचा एकनाथ शिंदेंना सवाल

दरम्यान, या घटनेनंतर सुप्रिया सुळे यांना अनेक जण विचारणा करत असल्याने त्यांनी याबाबत माध्यमांना प्रतिक्रिया दिली आहे. पाहा सुप्रिया सुळे नेमकं काय म्हणाल्या:

सुप्रिया सुळे यांचे पुण्यात ज्या-ज्या ठिकाणी कार्यक्रम आयोजित करण्यात आले आहेत त्या-त्या ठिकाणी राष्ट्रवादी काँग्रेसच्या कार्यकर्त्यांची संख्या ही मोठ्या प्रमाणात आहे. सुप्रिया सुळे यांना भेटण्यासाठी ही गर्दी आहे.कारण सुप्रिया सुळेंच्या लोकसभा मतदारसंघात हे कार्यक्रम असल्यामुळे कार्यकर्ते त्या ठिकाणी आपल्या समस्या या घेऊन येत असतात. त्यामुळे अशा प्रकारच्या गर्दीमुळे देखील अशी घटना घडली असेल असं बोललं जात आहे.