बायकोचा मटण बनवायला नकार, पठ्ठ्याने थेट पोलिसांनाच फोन लावला आणि मग…

नालगोंडा पोलिसांनी या प्रकारासाठी फोन करुन तक्रार करणारा पती नवीनलाच अटक केली आहे. हा प्रकार १८ मार्चला घडला आहे. घरी गेल्यावर नवीनला जेव्हा बायकोने मटण केलेलं नसल्याचं कळलं तेव्हा त्याला राग आला आणि त्याने १०० नंबरवर पोलिसांना फोन करुन बायकोची तक्रार केली.

नवीनने सुरुवातीला जेव्हा पोलीस कंट्रोल रुमला फोन केला तेव्हा ऑपरेटरला कोणीतरी दारु पिऊन फोन करत असल्याचं वाटलं. परंतू यानंतर नवीनने सलग सहा वेळा फोन करुन याच कारणासाठी फोन केल्यामुळे ऑपरेटरने वरिष्ठांना याबद्दल माहिती दिली. ज्यानंतर पोलिसांनी नवीनला अटक केली आहे.