2025 मध्ये शिक्षणासाठी लंडनला

पिंपरी-चिंचवडजवळील गहुंजे परिसरातील लोढा बेलमोंडो गृहप्रकल्पातील एका भाड्याच्या फ्लॅटमध्ये गुरुवारी (29 ऑक्टोबर) मुग्धाचा मृतदेह आढळून आला. मूळची छत्रपती संभाजीनगर येथील रहिवासी असलेली मुग्धा जुलै 2025 मध्ये शिक्षणासाठी लंडनला गेली होती, परंतु ऑगस्ट महिन्यातच ती गुप्तपणे भारतात परतली होती. विशेष म्हणजे तिने एप्रिल महिन्यातच हा फ्लॅट भाड्याने घेतला होता, मात्र लंडनहून परतल्यानंतरच ती तेथे राहू लागली होती.

हे ही वाचा : कराळे मास्तर, रविराज साबळेंनी प्रस्थापितांची गणितं कशी बिघडवली?

बँक स्टेटमेंटमुळे प्रकार उजेडात

ऑक्टोबर महिन्याच्या अखेरीस कुटुंबीयांचा तिच्याशी संपर्क तुटल्याने तिच्या वडिलांनी छत्रपती संभाजीनगर पोलिसांत तक्रार दाखल केली होती. लंडनमधील तिच्या मैत्रिणीने तिथे मिसिंग तक्रार दाखल करण्याचा प्रयत्न केला असता, मुग्धा ऑगस्टमध्येच ब्रिटन सोडून गेल्याची माहिती समोर आली. त्यानंतर तिच्या वडिलांनी बँक स्टेटमेंट तपासले असता 8 ते 25 ऑक्टोबरदरम्यान ऑनलाइन फूड डिलिव्हरीचे व्यवहार झाल्याचे दिसून आले, ज्यामुळे ती भारतात असल्याचे स्पष्ट झाले.

हे ही वाचा : नोकरीच्या नावाखाली करायचा फोन, 78 वर्षीय वृद्धाकडून अल्पवयीन मुलींवर लैंगिक अत्याचार

कुलूप तोडून फ्लॅटमध्ये प्रवेश

छत्रपती संभाजीनगर गुन्हे शाखेने तांत्रिक तपासाच्या आधारे तिचे लोकेशन गहुंजे येथे ट्रेस केले. पोलिसांना कुलूप तोडून फ्लॅटमध्ये प्रवेश केला असता मुग्धा मृत अवस्थेत आढळली. तिच्या शरीरावर कोणत्याही बाह्य जखमांच्या खुणा नसून, मृत्यूचे नेमके कारण स्पष्ट करण्यासाठी तिच्या अवयवांचे नमुने जतन करण्यात आले आहेत. याप्रकरणी  पोलिसांकडून पुढील तपास सुरू आहे.