Viral : नवऱ्यानं सिक्रेट ठेवलं… घटस्फोटानंतर बायको बनली ‘मालामाल’

एखादी गोष्ट खोटी सांगताना ती आज न् उद्या अंगलट येऊ नये याचा विचार करुनच सांगावी लागते. अन्यथा त्या खोटं बोलल्याचा पश्चाताप आयुष्यभर करावा लागतो. असाच एक प्रकार चीनमध्ये घडला असून एक खोटं बोलल्यामुळे पतीला आपली ६० टक्के संपत्ती पत्नीच्या नावे करावी लागली आहे. पण दुसऱ्या बाजूला पत्नीचाही तो हक्क असल्यामुळे पतीसाठी वाटणारी सहानुभूती काहीशी कमी होते. (Wife got 60% of the husband’s property as a result of divorce in China)

नेमकं काय घडलं?

चीनमधील ‘बिजींग डेली’च्या बातमीनुसार पती ली ने आणि पत्नी झांग से या दोघांमध्ये खडाजंगी झाली. यानंतर दोघांनी एकमेकांपासून घटस्फोट घेण्यासाठी न्यायालयात धाव घेतली. यादरम्यान पतीने न्यायालयाला सांगितले की, माझ्याकडे फक्त 12 लाख रुपयांची ठेव आहेत.

परंतु, झांग से हिने कोर्टाला पती ली ने याच्या संपत्तीची चौकशी करण्याची विनंती केली. त्याच्या मालमत्तेची तपासणी केली असता, त्यांचं वार्षिक उत्पन्न साडेतीन कोटी रुपयांहून अधिक असल्याचं आढळून आलं. तसंच घटस्फोटाच्या प्रक्रियेपूर्वीच ली ने त्याच्या खात्यातून पैसे काढल्याचं आढळून आलं.

Old Pension Scheme : जुनी पेन्शन सुरू होणार? मुख्यमंत्री शिंदेंची विधानसभेत मोठी घोषणा

यानंतर घटस्फोटाच्या निकालात पत्नीला पतीच्या मालमत्तेपैकी ६०% रक्कम मिळाली. चीनची राजधानी बीजिंगमध्ये उघडकीस आलेले घटस्फोटाचे हे विचित्र प्रकरण सोशल मीडियावर चांगलेच गाजले आहे.

Uddhav Thackeray यांना भिडणं भिडेंना भोवलं; हायकोर्टानं ठोठावला मोठा दंड

वास्तविक, ली ने हे सर्व घटस्फोटाच्या बदल्यात त्याला आपल्या पत्नीला कमी पैसे द्यावे लागावेत म्हणून केलं होतं. मात्र घटस्फोटानंतर ६० टक्के त्याला पत्नीला द्यावी लागली. पण घटस्फोटानंतर ली ने झांग से ला भरपाई म्हणून एकूण किती रक्कम दिली, ही माहिती उघड होऊ शकली नाही. पण, या घटनेची चिनी सोशल मीडिया प्लॅटफॉर्म वीबोवर खूप चर्चा होत आहे.

चीनमध्ये घटस्फोटाच्या कायद्याबाबत मोठा बदल झाला आहे. यामध्ये घटस्फोटापूर्वी जोडप्याची मालमत्ता तपासली जाते. रिपोर्टनुसार, याआधी चीनमध्ये घटस्फोटाच्या प्रकरणांमध्ये अनेकदा लोकं त्यांच्या मालमत्तेची माहिती लपवत असत. या व्हायरल घटनेवर अनेकांच्या प्रतिक्रियाही आल्या आहेत.