काय आहेत पात्रतेचे निकष?

या भरतीसाठी शैक्षणिक पात्रता पदांनुसार निश्चित करण्यात आली आहे. उमेदवार मान्यताप्राप्त बोर्डातून 10 वी उत्तीर्ण असणे आवश्यक असून, जर्नीमन पदासाठी संबंधित ट्रेडमध्ये NAC (नॅशनल अप्रेंटिसशिप सर्टिफिकेट) किंवा NTC (नॅशनल ट्रेड सर्टिफिकेट) प्रमाणपत्र असणे अनिवार्य आहे. ड्रायव्हर पदासाठी विहित वाहन चालक परवाना (Driving Licence) आणि संबंधित क्षेत्रातील अनुभव आवश्यक आहे. वयोमर्यादेचा विचार करता, 1 ऑक्टोबर 2026 रोजी जर्नीमन पदासाठी कमाल वय 26 वर्षे आणि ड्रायव्हर पदासाठी कमाल वय 32 वर्षे निश्चित करण्यात आले आहे (शासकीय नियमांनुसार राखीव प्रवर्गातील उमेदवारांना वयोमर्यादतेत सूट लागू असेल).

हे ही वाचा : बायकोचे दोघांसोबत अनैतिक संबंध, विरोध करणं नवऱ्याला पडलं महागात, तलावात आढळला मृतदेह

पगार किती मिळणार?

निवड झालेल्या उमेदवारांना आकर्षक वेतन आणि विद्यावेतन दिले जाणार आहे. जर्नीमन पदावरील उमेदवारांना दरमहा 24,000 रुपये ते 26,000 रुपये प्रतिमहिना विद्यावेतन (Stipend) मिळेल, तर ड्रायव्हर पदासाठी 20,110 रुपये ते 70,390 रुपये या वेतनश्रेणीनुसार (Pay Scale) पगार दिला जाईल. उमेदवारांची निवड प्रक्रिया ही लेखी परीक्षा (Written Test), प्रॅक्टिकल ट्रेड टेस्ट (Practical Trade Test), आवश्यकतेनुसार शारीरिक चाचणी (Applicable PET), कागदपत्र पडताळणी (Document Verification) आणि वैद्यकीय तपासणी (Medical Examination) याद्वारे पूर्ण केली जाईल.

हे ही वाचा : सत्ता, संपत्ती अन् 40 व्हिला! IAS-IPS दाम्पत्य ACB च्या रडारवर, नक्की प्रकरण काय?

'असा' करा अर्ज

नोकरीचे मूळ ठिकाण कोलकाता (पश्चिम बंगाल) असून सर्व पात्र आणि इच्छुक उमेदवारांनी मुदतीपूर्वी आपला अर्ज सबमिट करावा. या भरतीसंबंधी अधिक माहिती, सविस्तर पात्रता आणि ऑनलाइन अर्जासाठी GRSE च्या अधिकृत संकेतस्थळाला www.grse.in भेट द्यावी.