टूल किट प्रकरण: शंतनू मुळूकला मोठा दिलासा, ट्रान्झिस्ट जामीन मंजूर

औरंगाबाद: ग्रेटा थनबर्ग टूलकिट प्रकरणी बंगळुरू येथून दिशा रवी हिला अटक केल्यानंतर दिल्ली पोलिसांकडून गुन्ह्यातील शंतनू शिवलाल मुळूक (बीड) याच्याविरोधात अजामीनपात्र वॉरंट बजावण्यात आलं होतं. दिल्ली न्यायालयात अटकपूर्व जामिनासाठी अर्ज करेपर्यंत अटकेच्या कारवाईपासून दिलासा मिळवण्यासाठी शंतनू मुळूक याच्या वतीने औरंगाबाद खंडपीठात अ‍ॅड. सतेज जाधव यांनी मुंबई उच्च न्यायालयात ट्रान्झिस्ट अटकपूर्व जामीन अर्ज सादर केला होता. जो कोर्टाने मंजूर केला आहे. टूलकिट गुगल डॉकसाठी वापरण्यात आलेला ईमेल आयडी शंतनूचा असल्याचे सांगितले जात आहे.