राष्ट्रपतीपदासाठी विरोधी पक्षांचे उमेदवार असलेले यशवंत सिन्हा कोण आहेत?

“ममताजींनी मला TMC मध्ये जो सन्मान आणि प्रतिष्ठा दिली त्याबद्दल मी त्यांचा ऋणी आहे. आता अशी वेळ आली आहे की, एका मोठ्या राष्ट्रीय कारणासाठी, मला पक्ष सोडून अधिक विरोधी ऐक्यासाठी काम करावे लागणार आहे. मला खात्री आहे की त्यांनी माझे टाकलेले हे पाऊल मान्य केले आहे,” असे ट्विट सिन्हा यांनी केले आहे.

I would like to congratulate Shri @YashwantSinha on becoming the consensus candidate, supported by all progressive opposition parties, for the upcoming Presidential Election.

A man of great honour and acumen, who would surely uphold the values that represent our great nation!

— Mamata Banerjee (@MamataOfficial) June 21, 2022

राष्ट्रवादी काँग्रेसचे अध्यक्ष शरद पवार यांनी बोलावलेल्या विरोधकांच्या बैठकीत विरोधकांनी सिन्हा यांच्या नावावर सहमती दर्शवली आहे. बैठकीला उपस्थित असलेल्या पक्षांमध्ये काँग्रेस, राष्ट्रवादी काँग्रेस, टीएमसी, सीपीआय, सीपीआय-एम, समाजवादी पार्टी, नॅशनल कॉन्फरन्स, AIMIM, आरजेडी आणि AIUDF यांचा समावेश आहे.

“सर्व पुरोगामी विरोधी पक्षांनी पाठिंबा दिल्यानंतर यशवंत सिन्हा यांचे नाव सर्वसहमतीने जाहीर झाल्याबद्दल मी त्यांचे अभिनंदन करते. एक महान आणि कुशाग्र माणूस, जो आपल्या महान राष्ट्राचे प्रतिनिधित्व करणाऱ्या मूल्यांचे नक्कीच पालन करेल,” असे ट्विट करत ममता बॅनर्जी यांनी सिन्हांचे अभिनंदन केले आहे.

Heartiest congratulations to @YashwantSinha ji for being chosen as the joint Opposition candidate for the upcoming Presidential Elections.

It is my firm belief that for all progressive parties who share the same vision for our nation, there could not have been a better choice!

— Abhishek Banerjee (@abhishekaitc) June 21, 2022

टीएमसीचे खासदार अभिषेक बॅनर्जी म्हणाले, “माझा ठाम विश्वास आहे की सर्व पुरोगामी पक्ष ज्यांचा देशासाठी समान दृष्टीकोन आहे, त्यांच्यासाठी यापेक्षा चांगला पर्याय असू शकत नाही.” यापूर्वी, राष्ट्रवादी काँग्रेसचे अध्यक्ष शरद पवार, नॅशनल कॉन्फरन्सचे (NC) प्रमुख फारूख अब्दुल्ला आणि महात्मा गांधी यांचे नातू गोपाळकृष्ण गांधी यांची नावे राष्ट्रपतीपदाच्या निवडणुकीसाठी चर्चेत होती.

15 जून रोजी पश्चिम बंगालच्या मुख्यमंत्री ममता बॅनर्जी यांनी भाजपच्या नेतृत्वाखालील राष्ट्रीय लोकशाही आघाडी (NDA) विरोधात राष्ट्रपतीपदाच्या उमेदवारासाठी एकमत तयार करण्यासाठी 17 विरोधी पक्षांची बैठक बोलावली होती. पण संख्याबळ आपल्या बाजूने असल्याने एनडीए राष्ट्रपतीपदाची निवडणुकीत जिंकण्याची शक्यता आहे.

कोण आहेत यशवंत सिन्हा?

* यशवंत सिन्हा हे राष्ट्रपती निवडणूक 2022 चे संयुक्त विरोधी पक्षांचे राष्ट्रपती पदाचे उमेदवार आहेत.

* माजी भारतीय प्रशासक, राजकारणी आणि माजी अर्थमंत्री, मंत्री परराष्ट्र व्यवहार म्हणून त्यांनी काम केले आहे.

* पक्ष सोडण्यापूर्वी ते भारतीय जनता पक्षाचे ज्येष्ठ नेते होते.

* त्यांनी 13 मार्च 2021 रोजी अखिल भारतीय तृणमूल काँग्रेसमध्ये प्रवेश केला.

* पंतप्रधान चंद्रशेखर, पंतप्रधान अटल बिहारी वाजपेयी यांच्या सरकारमध्ये त्यांनी मंत्रीपद भूषवले आहे.