संजय राऊतांचा ईडी कोठडीतील मुक्काम वाढणार की, जामीन मिळणार?, जुनी प्रकरणं काय सांगतात?
संजय राऊत (Sanjay Raut) यांना ईडीने (ED) अटक केली आणि न्यायालयाने त्यांना 4 ऑगस्टपर्यंत ईडीची कोठडी सुनावली. आज कोठडीची मुदत संपत असून, ईडीकडून त्यांना पीएमएलए न्यायालयात हजर केलं जाईल. त्यामुळे आजच्या सुनावणीकडे सगळ्यांचं लक्ष लागलं आहे. कारण याच्याआधी महाराष्ट्रातले जे नेते ईडीच्या कचाट्यात सापडले, त्यांना बराच काळ जामीनासाठी झगडावं लागलं आणि काही नेत्यांना तर 2 […]
ADVERTISEMENT
संजय राऊत (Sanjay Raut) यांना ईडीने (ED) अटक केली आणि न्यायालयाने त्यांना 4 ऑगस्टपर्यंत ईडीची कोठडी सुनावली. आज कोठडीची मुदत संपत असून, ईडीकडून त्यांना पीएमएलए न्यायालयात हजर केलं जाईल. त्यामुळे आजच्या सुनावणीकडे सगळ्यांचं लक्ष लागलं आहे. कारण याच्याआधी महाराष्ट्रातले जे नेते ईडीच्या कचाट्यात सापडले, त्यांना बराच काळ जामीनासाठी झगडावं लागलं आणि काही नेत्यांना तर 2 ते अडीच वर्ष तुरुंगातही रहावं लागलेलं आहे.
संजय राऊतांना पण जामीन मिळायला अडचणी येणार का? जी गत नवाब मलिक आणि अनिल देशमुख यांची झाली तिच गत संजय राऊतांची होणार का? PMLA कायदा काय सांगतो आणि सुप्रीम कोर्टाने यासंदर्भात नुकताच निकाल देताना काय निरीक्षणं नोंदवली आहेत? या सगळ्या प्रश्नांची उत्तर समजावून घेऊया.
संजय राऊतांचा ईडी कोठडीतील मुक्काम वाढणार?
शिवसेना खासदार संजय राऊत यांना पीएमएलए न्यायालयाकडून जामीन मिळणार की, त्यांना ईडी कोठडीत जावं लागणार याकडे सगळ्यांचं लक्ष लागलं होतं. ईडीकडून संजय राऊत यांना ८ दिवसांची पोलीस कोठडी देण्याची मागणी करण्यात आली होती, पण पीएमएलए न्यायालयाने संजय राऊत यांना ४ ऑगस्टपर्यंत ईडीची कोठडी सुनावली आहे.
आता पुढची सुनावणी 4 ऑगस्टला होणार आहे तेव्हा संजय राऊत य़ांना जामीन मिळणार की त्यांची ED कोठडीतला मुक्काम वाढणार या प्रश्वाचे उत्तर मिळेल तर याआधी ED च्य़ा प्रकरणांमध्ये अडकलेल्या नेत्यांची काय गत झाली याचा थोडा इतिहास बघितला तर संजय राऊत यांची मुक्काम वाढणार का नाही याचे उत्तर मिळू शकेल.