द्वारका आणि शारदा पीठाचे शंकराचार्य स्वामी स्वरूपानंद सरस्वती यांचं निधन

स्वरूपानंद सरस्वती हे हिंदूंचे सर्वात मोठे धर्मगुरू मानले जात होते.
File Photo
File Photo

द्वारका आणि शारदा पीठाचे शंकराचार्य स्वामी स्वरूपानंद सरस्वती यांचे रविवारी निधन झाले. ते 99 वर्षांचे होते. मध्य प्रदेशातील नरसिंगपूर येथे त्यांनी अखेरचा श्वास घेतला. स्वरूपानंद सरस्वती हे हिंदूंचे सर्वात मोठे धर्मगुरू मानले जात होते. काही दिवसांपूर्वी स्वरूपानंद सरस्वती यांनी त्यांचा 99 वा वाढदिवस साजरा केला, ज्यामध्ये खासदार शिवराज सिंह चौहान यांच्यासह अनेक बड्या नेत्यांनी त्यांची भेट घेतली होती.

शंकराचार्य स्वामी स्वरूपानंद सरस्वती यांचा गंगा आश्रम नरसिंहपूर जिल्ह्यातील झोटेश्वर येथे आहे. रविवारी दुपारी ३.३० वाजता त्यांनी अखेरचा श्वास घेतला. स्वरूपानंद सरस्वती यांचा जन्म २ सप्टेंबर १९२४ रोजी मध्यप्रदेशातील सिवनी येथे झाला. १९८२ मध्ये ते गुजरातमधील द्वारका शारदा पीठ आणि बद्रीनाथ येथील ज्योतिर मठाचे शंकराचार्य बनले.

शंकराचार्य स्वामी स्वरूपानंद सरस्वती यांचा गंगा आश्रम नरसिंहपूर जिल्ह्यातील झोटेश्वर येथे आहे. रविवारी दुपारी ३.३० वाजता त्यांनी अखेरचा श्वास घेतला. स्वरूपानंद सरस्वती यांचा जन्म २ सप्टेंबर १९२४ रोजी मध्यप्रदेशातील सिवनी येथे झाला. १९८२ मध्ये ते गुजरातमधील द्वारका शारदा पीठ आणि बद्रीनाथ येथील ज्योतिर मठाचे शंकराचार्य बनले.

थोडक्यात माहिती

शंकराचार्य सरस्वती यांच्या पालकांनी त्यांचे बालपणी पोथीराम उपाध्याय असे नाव ठेवले. वयाच्या 9 व्या वर्षी त्यांनी घर सोडले आणि धर्माकडे वळले. त्यांनी वेद-वेदांग आणि शास्त्रांचे शिक्षण काशी (उत्तर प्रदेश) येथे घेतले. स्वामी स्वरूपानंद सरस्वती यांनीही स्वातंत्र्यलढ्यात भाग घेतला होता. त्यांनी 15 महिने तुरुंगवास भोगला. सरस्वती यांनी उत्तर प्रदेशातील वाराणसी येथे 9 महिने आणि मध्य प्रदेशात 6 महिने तुरुंगात काढले होते.

पंतप्रधान नरेंद्र मोदींनी दुःख व्यक्त केलं

योगी आदित्यनाथ यांनीही ट्विट करून श्रद्धांजली अर्पण केली

संपूर्ण समाजाचे कधीही भरून न येणारे नुकसान: प्रियंका गांधी

प्रियंका गांधी यांनी स्वामी स्वरूपानंद सरस्वती यांचे स्मरण केले. त्या म्हणाल्या, स्वामीजींनी आपले संपूर्ण जीवन धर्म, अध्यात्म आणि परोपकारासाठी समर्पित केले. 2021 साली प्रयागराजमध्ये गंगेत स्नान करून त्यांचे आशीर्वाद घेतल्यानंतर मला त्यांच्याशी देश, धर्म आणि औदार्य, सद्भावना यावर चर्चा करण्याची संधी मिळाली. माझ्या वडिलांच्या वास्तव्यात 1990 मध्ये स्वामीजींनी आमची गृहप्रवेश पूजा केली होती. ही संपूर्ण समाजाची कधीही भरून न येणारी हानी आहे.

भाजप नेते प्रकाश जावडेकर यांनी शोक व्यक्त केला

भारतीय जनता पक्षाचे नेते प्रकाश जावडेकर यांनी ट्विट केले की, "शंकराचार्य स्वरूपानंद सरस्वती जी यांच्या निधनाने संपूर्ण समाज शोक करत आहे. देशाच्या आध्यात्मिक प्रगतीत त्यांचे मोठे योगदान आहे. शंकराचार्यजींना विनम्र अभिवादन.

Related Stories

No stories found.
Mumbai Tak
www.mumbaitak.in