TET Exam Scam : पैसे, सोनं, एफडी… तुकाराम सुपेंच्या घरात सापडलं लाखो रुपयांचं घबाड!

राज्याच्या आरोग्य विभागातील क आणि ड संवर्गातील रिक्त पदांसाठी भरती परीक्षा घेण्यात येणार होती. मात्र, या परीक्षेचा पेपर फुटला. या प्रकरणाचा तपास पुणे पोलिसांच्या सायबर सेलकडून सुरू करण्यात आला. या प्रकरणाचा तपास करत असतानाच पोलीस म्हाडा परीक्षाच्या पेपरफुटी प्रकरणापर्यंत पोहोचले. त्यानंतर 2020 मध्ये घेण्यात आलेल्या परीक्षेतही मोठा भ्रष्टाचार झाल्याचं समोर आलं.

TET परीक्षेत कोट्यवधींचा भ्रष्टाचार! तुकाराम सुपेंनी लाटले 1.70 कोटी, देशमुखला मिळाले 1.25 कोटी

ज्या जी.ए. सॉफ्टवेअर्स कंपनीकडून म्हाडाची परीक्षा घेण्यात येणार होती. त्याच कंपनीने टीईटी परीक्षा घेतली होती. या कंपनीचा मालक डॉ. प्रितीश देशमुख आणि त्याच्या दोन एजंटला हाताशी धरून राज्य परीक्षा परिषदेचे आयुक्त तुकाराम सुपे आणि आणि शिक्षण विभागातील सल्लागार पदी कार्यरत असलेल्या अभिषेक सावरीकर यांनी पैसे घेऊन उमेवादारांना पास केल्याचं समोर आलं.

पोलिसांनी तुकाराम तुपे आणि सावरीकर यांची कसून चौकशी केली. चौकशीत दोघांनींही टीईटी परीक्षेतील उमेदवारांना पैसे घेऊन पास केल्याची कबूली दिली. टीईटी उमेदवारांकडून जवळपास 4 कोटी 20 लाख रुपये जमा झाले होते. त्यातील 1.70 कोटी रुपये तुकाराम सुपेंनी घेतले. याप्रकरणी पोलिसांनी तुकाराम सुपेंच्या घराची झाडाझडती घेतली. यावेळी घरात रोख रक्कम, सोनं, एफडीचे कागदपत्र सापडली.

MHADA Exam : म्हाडाची परीक्षा घेणाऱ्या संस्थेचा मालकच ‘पेपरफुटीच्या रॅकेट’मध्ये; वाचा कसं फुटलं बिंग?

सुपेंनी लाखो रुपये मित्रांना दिले

पोलिसांनी दिलेल्या माहितीप्रमाणे तुकाराम सुपे यांच्या घरातून 88 लाख 49 हजार 980 रोख रक्कम सापडली. त्याचबरोबर 5 ग्राम सोन्याचे नाणे, 5 लाख 50,000 हजार रुपयांची एफडी केल्याची कागदपत्रे पोलिसांनी जप्त केली आहेत. याशिवाय सुपेंनी त्याच्या मित्राला लाखो रुपये दिले असल्याची माहिती पोलिसांनी दिली आहे. त्यामुळे अशा गैरप्रकारातून सुपेंनी किती माया जमा केली हे अजून समोर यायचं आहे.

विद्यार्थ्यांकडून घेतले 50 हजार ते 1 लाख

म्हाडा पेपरफुटी प्रकरणी पुणे पोलिसांच्या सायबर सेलने संतोष हरकळ व अंकुश हरकळ (रा. सिंदखेडराजा, जि. बुलढाणा) यांना केली होती. यावेळी त्यांच्या गाडीत प्रितीश देशमुखही होता. पोलिसांना त्याच्याकडे म्हाडा परीक्षेचे पेपर आढळून आले. त्यांच्या घराची झाडाझडती घेताना टीईटी परीक्षार्थींचे ओळखपत्र सापडले होते. पोलिसांनी खाक्या दम देताच देशमुखने तुकाराम सुपेंचं नाव घेतलं. त्यानंतर पोलिसांनी सुपेंना अटक केली. एजंटच्या मार्फत परीक्षा देणाऱ्या उमेदवारांपर्यंत पोहोचले आणि पास करून देण्याचं आश्वासन देत आरोपींनी विद्यार्थ्यांकडून 50 हजार ते 1 लाख रुपयांपर्यंत पैस घेतले.