OBC समाजाची फसवणूक आणि विश्वासघात ठाकरे सरकारने थांबवावा-फडणवीस
OBC समाजाची फसवणूक विश्वासघात करणं ठाकरे सरकारने थांबवावं असं आता देवेंद्र फडणवीस यांनी म्हटलं आहे. एकतर राज्य सरकारच्या नाकर्तेपणामुळे ओबीसींचं राजकीय आरक्षण संपलं. मंत्री म्हणतात की हे आरक्षण पुनर्स्थापित होत नाहीत तोवर स्थानिक स्वराज्य संस्थांच्या निवडणुका होणार नाहीत आणि दुसऱ्याच दिवशी निवडणुका जाहीर होतात. हा ओबीसी समाजाचा विश्वासघात आणि फसवणूक आहे असंही देवेंद्र फडणवीस यांनी […]
ADVERTISEMENT
OBC समाजाची फसवणूक विश्वासघात करणं ठाकरे सरकारने थांबवावं असं आता देवेंद्र फडणवीस यांनी म्हटलं आहे. एकतर राज्य सरकारच्या नाकर्तेपणामुळे ओबीसींचं राजकीय आरक्षण संपलं. मंत्री म्हणतात की हे आरक्षण पुनर्स्थापित होत नाहीत तोवर स्थानिक स्वराज्य संस्थांच्या निवडणुका होणार नाहीत आणि दुसऱ्याच दिवशी निवडणुका जाहीर होतात. हा ओबीसी समाजाचा विश्वासघात आणि फसवणूक आहे असंही देवेंद्र फडणवीस यांनी म्हटलं आहे. या सरकारने ओबीसी समाजाचा विश्वासघात करणं बंद केलं नाही तर आम्हाला उग्र आंदोलन करावं लागेल असा इशाराही फडणवीस यांनी दिला आहे.
ठाकरे सरकारच्या नाकर्तेपणामुळेच OBC समाजाचे राजकीय आरक्षण संपुष्टात-फडणवीस
देवेंद्र फडणवीस नेमकं काय म्हणाले?
राज्य सरकारच्या नाकर्तेपणामुळे महाराष्ट्रातील ओबीसींचं राजकीय आरक्षण संपलं. त्यानंतर राज्य सरकारने वारंवार आश्वस्त करुन याबाबत कारवाईचं आश्वासन दिलं. ओबीसी मंत्र्यांनी परवा घोषित केलं की निवडणुका होऊ देणार नाही, आणि त्यानंतर दुसऱ्याच दिवशी या निवडणुका जाहीर होतात, हा एक प्रकारचा ओबीसी समाजाचा विश्वासघात आहे. ओबीसींचं राजकीय आरक्षण संपवण्याचा घाट सरकारकडून घातला जातोय. हे आम्ही सहन करणार नाही. कुठल्याही परिस्थितीत सरकारने हस्तक्षेप करुन या निवडणुका रद्द केल्या पाहिजेत. या निवडणुका रद्द केल्या नाहीत तर उग्र आंदोलन भाजप करेल, असा इशारा मी राज्य सरकारला देतोय. कुठल्याही परिस्थितीत ओबीसींचा विश्वासघात बंद करा, असं माझं राज्य सरकारला आवाहन आहे, असं देवेंद्र फडणवीस म्हणाले.
हे वाचलं का?
