निम्म्या किमतीत सोनं खरेदीचा मोह पडला महागात, अंगावरचं सोनं काढून घेत आरोपी पसार

अनिकेत पोरे, राजशेखर कोरे, रोहित खुने आणि पांडुरंग पोरे अशी गंडा घालण्यात आलेल्या तरुणांची नावं आहेत. मिळालेल्या माहितीनुसार, काही दिवसांपूर्वी गणेश महाराजा नावाच्या व्यक्तीची या चौघांशी ओळख झाली. यावेळी गणेश महाराजने दोन नंबरचं सोनं निम्म्या किमतीत मिळतंय तुम्ही घेणार का असं या चारही तरुणांना विचारलं. या चारही तरुणांनी सोनं खरेदीची तयारी दाखवल्यानंतर गणेश महाराजांनी एक मोबाईल नंबर देत त्यांना या नंबरवर संपर्क साधण्यास सांगितलं.

८० हजार डॉलर्सच्या डिजीटल दरोड्यातील आरोपींना पकडण्यात सातारा पोलिसांना यश

यानंतर अनिकेत पोरे या तरुणाने गणेश महाराजांनी दिलेल्या नंबरवर फोन केला असता समोरील एका महिलेने आपल्याकडे दोन नंबरचं सोनं निम्म्या किमतीत तयार असल्याचं सांगितलं. सोनं खरेदीसाठी तिने चौघांना करकंब – टेंभुर्णी रोडवरील व्यवहारे पाटीच्या पुढे विहिरीजवळ बोलावलं.