आदित्य ठाकरेंना थेट 500 कोटींची मानहानीची नोटीस, नेमकं प्रकरण काय?
Aaditya Thackeray Satish salian 500 crore defamation notice : दिशा सालियान प्रकरणात सतीश सालियान यांच्याकडून आदित्य ठाकरे आणि अनिल देशमुख यांना 500 कोटी रुपयांची मानहानीची कायदेशीर नोटीस बजावण्यात आली आहे. नोटिशीत आठ प्रमुख मागण्या करण्यात आल्या असून सात दिवसांत उत्तर देण्याची मुदत देण्यात आली आहे.
ADVERTISEMENT
बातम्या हायलाइट
Satish Salian यांच्याकडून 500 कोटींची नोटीस, 8 मागण्या कुठल्या? | Disha Salian
नोटिशीत दोघांच्या वक्तव्यांवर आक्षेप घेत नुकसानभरपाई आणि सार्वजनिक माफीची मागणी
Aaditya thackeray satish salian 500 crore defamation notice : दिशा सालियान यांच्या मृत्यू प्रकरणात सतीश सालियान यांच्याकडून आदित्य ठाकरे आणि अनिल देशमुख यांना 500 कोटी रुपयांच्या मानहानीच्या दाव्याची कायदेशीर नोटीस बजावण्यात आली आहे. 16 सप्टेंबर 2026 रोजी सतीश सालियान यांच्या वकिलांकडून ही नोटीस पाठवण्यात आली. या नोटिशीत सतीश सालियान यांच्या प्रतिमा, प्रतिष्ठा आणि विश्वासार्हतेला कथित धक्का पोहोचल्याचा दावा करण्यात आला असून, आदित्य ठाकरे आणि अनिल देशमुख यांनी माफी मागावी. कथित आरोप मागे घ्यावेत आणि 500 कोटी रुपये नुकसानभरपाई म्हणून द्यावेत, अशा मागण्या करण्यात आल्या आहेत.
हेही वाचा : Personal Finance: घरातील एकाच व्यक्तीला सगळे आर्थिक व्यवहार माहीत असणं योग्य की अयोग्य?
नेमकं प्रकरण काय आहे?
या प्रकरणाची पार्श्वभूमी 2 सप्टेंबर 2026 रोजीच्या मुंबई उच्च न्यायालयातील सुनावणीशी जोडण्यात आली आहे. सतीश सालियान यांनी त्यांच्या मुलीच्या मृत्यू प्रकरणात स्वतंत्र तपासाची मागणी करणारी याचिका दाखल केली होती. न्यायालयाने तपास सीबीआयकडे वर्ग केल्यानंतर सतीश सालियान यांचा जबाब नोंदवण्यात आला आणि त्यानंतर एफआयआर दाखल करण्यात आली.
या एफआयआरमध्ये सामूहिक बलात्कार, हत्या, पुरावे नष्ट करणे किंवा दडपणे तसेच विविध व्यक्तींच्या सहभागाच्या आरोपांचा तपास करण्याचा उल्लेख आहे. मात्र, एफआयआरमध्ये कोणालाही आरोपी म्हणून नमूद करण्यात आलेले नसल्याचे सांगण्यात आले आहे. सतीश सालियान यांच्या जबाबात आदित्य ठाकरे, उद्धव ठाकरे, अनिल देशमुख आणि काही पोलीस अधिकाऱ्यांची नावे आहेत. त्यांचा या प्रकरणातील कथित सहभाग आणि भूमिका तपासावी, अशी मागणी सतीश सालियान यांनी केल्याचे सांगण्यात आले आहे.