मलिकांनी आरोप केलेल्या किरण गोसावीच्या असिस्टंटला अटक

अभिनेता शाहरुख खानचा मुलगा आर्यन खानच्या मुंबई क्रुझ ड्रग्ज प्रकरणामुळे चर्चेत आलेलं नाव म्हणजे किरण गोसावी. ज्या दिवशी आर्यन खानला ताब्यात घेण्यात आलं त्या दिवशीच्या व्हिडिओतून पहिल्यांदा ही व्यक्ती दिसली. त्यानंतर त्याची अनेक कनेक्शन्स समोर यायला लागली. त्यातच नोकरीचं आमिष दाखवून फसवणूक केल्याच्या प्रकरणात फरार असलेली पुण्यातली व्यक्ती ही तीच किरण गोसावी आहे, हे समोर आलं. त्यात आता याच प्रकरणात फरार असलेल्या या असलेल्या किरण गोसावीच्या असिस्टंटला पुणे पोलिसांकडून अटक करण्यात आलीय.